web counter
LEXO PA REKLAMA!

SHKARKO APP

App Store
Google Play

E fundit!

x

Skandal në Kukës / Kryebashkiaku demokrat pushon nga puna 2 punonjës se morën pjesë në mbledhjen e PD

7 Nëntor 2017, 16:27, Aktualitet CNA

Kryebashkiaku i Kukësit Bashkim Shehu, pasi dështoi mbledhjen e kryesisë së datës 28 tetor, mësohet se ka pushuar nga puna dy punonjës të administratës së Bashkisë, të cilët “thyen” urdhrin e tij për të bojkotuar mbledhjen e Kryesisë së PD-së.

Bashkim Shehu, së bashku me Flamur Nokën, organizuan sabotimin e mbledhjes doke urdhëruar mbështetësit e tyre të bojkotojnë analizën e Lulzim Bashës, ku i deleguar ishte Arben Ibro. Në mbledhje kanë qenë mbi 15 vetë, por kjo nuk i ka pëlqyer Falamurit dhe Bashkim Shehut, të cilët kanë urdhëruar heqjen nga puna të atyre që ishin në mbledhje.

Kjo heqje nga puna ka ardhur pasi nëpërmjet drejtorit të burimeve njerëzore u telefonuan anëtarët e kryesisë që punonin në bashki, apo kanë pjesëtarë të familjes të punësuar, që të bojkotojnë mbledhjen e kryesisë së degës.

Dy nga ata që nuk iu bindën urdhërit absurd të kryetarit të bashkisë, të hënën 2 ditë më vonë largohen nga puna, ata janë: Arif Palushi dhe bashkëshorti i anëtares së kryesisë znj. Zaide Noka.

Menjëherë është vënë në dijeni Kryetari i PDSH dhe deputeti i zonës Flamur Noka por nga ana e tyre nuk ka pasuar asnjë reagim si në rastet e mëparshme.

Por ky nuk është rasti i parë kur Bashkim Shehu kryen ty tilla veprime hakmarrëse. Pak para zgjedhjeve parlamentare të 2017, ku kryetari i Bashkisë Kukës gjatë mbledhjes së kryesisë godet pa asnjë arsye një anëtar kryesie (ish-drejtorin e arsimit) në prezencën e deputetit Flamur Noka, skandalet s’kanë të mbaruar, së fundmi kryetari i Bashkisë Kukës (njëkohësisht anëtar i kooptuar i kryesisë së PDSH), largon nga puna 2 nga pjesëmarrësit në mbledhjen e Kryesisë PD Kukës të planifikuar për tu zhvilluar sipas axhendës së PDSH në dt.28.10.2017.

Kryetari i bashkisë Kukës Bashkim Shehu paqenë asnjëherë anëtar i PD, brenda 24 orëve katapultohet anëtar i kryesisë së PDSH duke u ‘zgjedhur’ drejtor i departamentit të sigurisë dhe më pas pa jetuar asnje dite në Kukës që kur është larguar në moshën 13-vjeçare, kandidohet dhe zgjidhet Kryetar Bashkie në Kukës. Tani si zgjidhje për të ardhmen e tij ka gjetur përçarjen e PD dhe përjashtimin e demokratëve, por a do mbijetojë dot politikisht Shehu me veprimet e tij abuzive dhe skandalet që s’kanë të ndalur? Përgjigjen pritet t’ja japin demokratët dhe qytetarët Kuksianë. /CityNews





Lajmet e fundit nga