E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

Kryemadhi takohet me përfaqësuesit e Shoqatës së Biznesit të Vogël dhe të Mesëm

7 Nëntor 2017, 13:14, Aktualitet CNA

Kryetarja e Lëvizjes Socialiste për Integrim Monika Kryemadhi priti sot në një takim në selinë e LSI-së kryetarin e Shoqatës së Biznesit të Vogël dhe të Mesëm Albert Nasto.

Ky takim erdhi si kërkesë e kësaj shoqate, në vazhdën e problematikave dhe shqetësimeve aktuale që biznesi i vogël dhe i mesëm po has kohët e fundit si rezultat i politikave fiskale rënduese dhe penalizuese që po ndjek qeveria.

Kryetari i Shoqatës së Biznesit të Vogël dhe të Mesëm në Shqipëri Albert Nasto falënderoi kryetaren e LSI-së për qëndrimet pro biznesit të vogël dhe të mesëm dhe vlerësoi rolin e LSI-së në kundërshtimet publike ndaj politikave shtrënguese fiskale të qeverisë.

Kryetarja e LSI-së znj. Monika Kryemadhi pasi u njoh më konkretisht me shqetësimet e prezantuara nga përfaqësuesit e shoqatës në lidhje më përkeqësimin e klimës së biznesit, në lidhje me rritjen e taksave lokale dhe kombëtare, si dhe në mënyrë të veçantë me përfshirjen e biznesit të vogël në skemën e TVSH-së , shprehu mbështetjen e Lëvizjes Socialiste për Integrim ndaj dhjetëra mijëra bizneseve, të cilat sot janë të detyruara të vuajnë pasojat katastrofike të kësaj politike ekonomike dhe fiskale që buron nga keqqeverisja, mungesa e vizionit dhe paaftësia për të zhvilluar ekonominë e vendit.

?Dhjetëra mijëra biznese janë në prag të falimentimit. Kjo do të thotë që dhjetëra mijëra njerëz do ti shtohen armatës së të papunëve. Biznesi i vogël dhe i mesëm ka nevojë për mbështetje dhe stimuj, dhe jo për gjoba, penalitete apo rritje taksash. LSI mbështet biznesin e vogël dhe te mesëm, duke cilësuar ato si shtyllën kurrizore për ekonominë e vendit. LSI është kundër rritjes së taksave dhe është kundër përfshirjes së këtyre bizneseve në skemën e TVSH-së. Në ditët në vazhdim, LSI do të dëgjojë të gjithë grupet e interesit dhe do të ketë propozime konkrete për çështjet fiskale dhe ekonomike?, tha kryetarja e LSI-së Monika Kryemadhi. Më tej, kryetarja e LSI theksoi se zhvillimi i ekonomisë së vendit, lufta kundër varfërisë, përmirësimi i klimës së biznesit, nxitja e punësimit janë disa nga objektivat kryesorë të axhendës sonë politike. ?Prandaj edhe ky takim i sotëm me shoqatën konfirmon që axhenda jonë politike është në sinkron të plotë me pritshmëritë e biznesit dhe interesit më të mirë të qytetarëve për një qeverisje të përgjegjshme dhe për një ekonomi të fortë dhe të zhvilluar?, tha ajo.