web counter
LEXO PA REKLAMA!

SHKARKO APP

App Store
Google Play

E fundit!

x

Hipokrizia e Bashës me Ruçin

7 Nëntor 2017, 20:03, Aktualitet CNA

Kryetari i Kuvendit të Shqipërisë, Gramoz Ruçi, ndodhet në një vizitë dy ditore në Kosovë, me ftesë të homologut të tij, Kadri Veseli.

Gjatë vizitës së tij në Kosovë, kreu i Kuvendit Gramoz Ruçi është nderuar nga Presidenti i Kosovës Hashim Thaçi me “Urdhrin e Lirisë”, me motivacionin “Për kontributin e dhënë për lirinë dhe pavarësinë e Kosovës”. Por deri këtu jemi në rregull, por ka një detaj që u kalua në heshtje, i cili është prania e kreut të grupit parlamentar të Partisë Demokratike, Edmond Spaho, prani e cila nxori në pah hipokrizinë e kreut të PD-së, Lulzim Basha.

Lulzim Basha dhe Partia Demokratike, është shprehur se nuk e pranon dhe njeh Gramoz Ruçin si kryetar të Kuvendit të Shqipërisë, e kjo pasi e quajnë si trashëgimtarin e fundit të diktaturës, përgjegjës për vrasjet e 2 prillit të 1991. Por nga ana tjetër, Luli nuk mund të lejojë që Ruçi të udhëtojë i vetëm, e kësisoj i jep me vete kreun e grupit parlamentar, Edmond Spaho.

Por kjo gjë ngre një pikëpyetje të madhe nëse e njeh Partia Demokratike dhe Lulzim Basha, Gramoz Ruçin, si kryetar të Kuvendit apo jo.

Ja si shprehej Lulzim Basha, para protestuesve që ishin kundër zgjedhjes së Ruçit në krye të Kuvendit:

?Është e turpshme të zgjidhet Gramoz Ruçi në krye të parlamentit. Ai është përgjegjës për masakrën e 2 prillit dhe 4 viktimat e pafajshme.?

Por zhvillimi i fundit e lë në hije këtë akuzë, pasi tashmë Ruçi nga një përgjegjës për masakrën e 2 prillit, trashëgimtar i fundit i diktaturës, i padëshiruar në SHBA, pasi i është refuzuar edhe viza, po e shndërron Ruçin në një kryetar Kuvendi të pranuar. Të gjitha akuzat që Lulzim Basha dhe deputetët e tij i kanë drejtuar Ruçit, tashmë po rezultojnë se kanë qenë vetëm për të trembur qytetarët, dhe për tu hequr si kundërshtarë dhe opozitarë të fortë.

Apo Gramoz Ruçi për PD-në është i keq kur zbaton rregulloren duke mos i lejuar të flasin sa të duan, por për të udhëtuar nëpër Evropë, për të ngrënë e për të pirë, Ruçi na del burrë i mirë dhe kësisoj PD-ja nuk mund ta lërë vetëm. /CityNews





Lajmet e fundit nga