web counter
LEXO PA REKLAMA!

SHKARKO APP

E fundit!

x

Presidenti Meta takon zv.kryeministrin e Kosovës /Diaspora në qendër të bisedimeve

7 Nëntor 2017, 19:35, Aktualitet CNA

Presidenti Ilir Meta ka pritur sot në një takim zv/kryeministrin dhe ministrin  e  Diasporës dhe Investimeve Strategjike të Republikës së Kosovës, Dardan Gashi.

Në fjalën e tij presidenti Meta ka shprehur angazhimin e tij në mbështetje të Diasporës Shqiptare, si një aset me vlera të mëdha për kombin ku një rëndësi të veçantë i kushtoi mësimit të gjuhës shqipe fëmijëve që jetojnë në Diasporë.

Meta ka theksuar rëndësinë e bashkëpunimit të Ministrive të Diasporës, të Kosovës dhe të Shqipërisë, në mbajtjen gjallë të identitetit kombëtar të shqiptarëve në diasporë si dhe kultivimin e gjuhës, të traditave, artit, kulturës dhe identitetit tonë kombëtar.

Ndërsa në përfundim Presidenti ka pohuar se shqiptarët e diasporës kanë dhënë  një kontribut të jashtëzakonshëm për lirinë dhe pavarësinë e Kosovës, si dhe në zhvillimin ekonomik të Kosovës dhe Shqipërisë. /CityNews





Lajmet e fundit nga