E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Shoku Ed'ver ç'na bëre, ç'na molloise kështu o derëzi?!

4 Nëntor 2017, 16:11, Aktualitet CNA

Ç’NA BËRE MO’ BIR!

Shoku Ed’ver ç’na bëre, ç’na molloise kështu o derëzi?!

Aj t’ëmën e s’ëmës, thamë, u kthye koha tënë. Zemra na u bë mal.
U ngrit rillindja si në dizetë e një.
Xhani i partisë kërceu përpjetë, kur pamë nën driten e llampës me vajguri dyqind grushtat bashkuar të “petritave”, dmth Tahirave.
Pastaj njëckë nga njëckë, dolët si dikur ilegalët, u hodhët në beteja për të ndezur zemrat e popullit me zjarrin e urrejtjes kundër Saliut, kundër “rrugëve të askundit”, kundër, dixhitalizimit imperialisto-revizionist kundër NATO-s, e liberalizimit të vizave, kundër ekonomisë liberale, kundër rrogave e pensioneve të larta…dhe ia dolët bijt e mi
Ndaj neneja e hodhi poshtë nevojën e bukës, ujit a dritave, veç pusht-eti në duart e petritave.

Plot dyqind e tridhjetë e gjashte here e kemi shfaqur dramen “komunistët” në krieqitet. Jo për gjë, por që të mësonit bir.
Të kujtohet ç’tha atëhere i ekzaltuar “zeusi” i partisë, kur e vdiqëm Qemal Stafen;
“…Oh ç’u çmallem me shokët…” dhe faqeve i shkanë, di pika lot.
“Zeusi” qau, jo se i dhimbsej, autori i hartimit “qortimet e vjeshtës” të cilin e kishte botuar nëpër gazeta fashiste, jo bir jo. Qau prej ngazëllimit, se sa mire “regjizori” e kishte menduar vrasjen e trimit.

Tani vëzhgo mirë e dëgjo, o “kokëderri”, kokëshkreti inë, o zgalem i partisë, o këthiza e rillindjes. Kot nuk janë vënë aty ne krahun tend, Mugoshat dhe Soros-at e “shoqërisë së hapur, dmth të Shqipërisë së hardallosur”. Ata janë mentarët dhe keshilltarët tënd të internacionalizmit ballkanik, “vellazërim-bashkimit.”
E pastrove që e pastrove partinë nga “profesorat” e profesoratët? E pastrove.
E pastrove partinë edhe nga “xhep i zjarrit” Ben Premtja? Desha të them, Sadik Blushi që nisi të fuste shkopa nën rrota nga poshtë partisë? E pastrove. Thyen qafën ata. Ikën, bënë “librari”
E pastrove “rillindjen” dhe nga oportunistat e lesh-istat që shikonin me dyshim aeropllanet rilindas që flururonin ulet, sukseset e korrjeve, shirjeve magazinimeve, eksporteve? I qërove dhe ata.
I çartallose reaksionarët e SHQUP-it, ua shkule “dhemballët” e shendosha një e nga një? Eh ç’të çartallosur.

Regjia ta ngriti Tahirë, ta beri ministër të përbrendshëm te bujqësisë, minister i oratorisë, ministër i detit, ministër të televizionit, ministër i Adriatikut e Jonit! Ministër i hedhjes së pështymës.
Kater vite je betuar në koqen e yll-Tahirit me size. Idealisti, revolucionari, syri, siguria, boksi dhe shkopi i partisë e popullit.
Yll në ngjitje. Hero e këndove në të gjitha, pllenumet e kongreset, ne gjitha “qitapet e llafosjet publike…(shih Edi Rama raporte e fjalime)

Dhe çasti erdhi, dmth ta sollem… E pe ti sesi ta rrethuan armiqtë, tradhëtarët e reaksionarët ate ditë? Dhe heroi u lag. Po, po u lag de’. Nuk është bukur të lagen heronjtë.

Të kujtohet tani Qemali i Partisë që doli me grusht përpjete nga drama “komunistët”.
Edhe Tahiri me size keshtu duhej të dilte. Nuk e vrane ata, reaksionarët? (Një mut vrasin ata), ta vrisje ti, kokoroç i nënës.
Pse ç’kujtove ti? Keshtu i kemi bërë heronjt ne, yjet tanë të pashuar, trimat me pallë, me dorën tënë, me një koqe plumbi pas shpine i kemi vrarë, pastaj me lot i kemi qarë, siç bëmë në vitnë dizetë e di me Qemalë.
Ç’na bëre, mor bir, çna bëre me Tahirë!

ZEF ZEFI