web counter
LEXO PA REKLAMA!

SHKARKO APP

App Store
Google Play

LSI kërkon interpelancë për radarët/ Refuzohet, braktis Komisionin e Sigurisë

30 Tetor 2017, 10:33, Aktualitet CNA

Zv/kryetari i Lëvizjes Socialiste për Integrim, Luan Rama, u shpreh se ishte i pavlerë qëndrimi në mbledhjen e Komisionit të Sigurisë, pasi sipas tij mazhoranca po tregon mungesë vullneti për zbardhjen e të vërtetës mbi skandalin e mosfunksionimit të radarëve.

Në një dalje për mediat, Luan Rama tha se kjo është një çështje që prek sigurinë kombëtare, dhe prandaj propozoi një cikël seancash dëgjimore me drejtorin e përgjithshëm të Policisë Shtetit, drejtorin e SHISH dhe shefin e ushtrisë.

Por kjo kërkesë e zv/kryetarit të LSI-së është kundërshtuar nga kryetarja e këtij komisioni, Ermonela Felaj.

?Propozova në rend dite, cikël seancash dëgjimore me drejtorin e përgjithshëm të Policisë Shtetit, meqë është i pari që e ka denoncuar këtë problem, drejtorin e SHISH dhe shefin e ushtrisë. Për rëndësinë që merr si çështje për sigurinë kombëtare në monitorimin e hapësirës detare.

Qëndrimi kundër propozimit tim dëshmon papërgjeshmërinë, mungesë vullneti nga ana e shumicës, por ka nga ata që janë të interesuar të kontrolli civil mbi forcat e armatosura.

LSI e vendosur në çdo hap të angazhimit për të zbardhur të vërtetën e mosfunksionimit të radarëve që janë fikur apo që janë komanduar nga grupet e trafikantëve të drogës,? tha Luan Rama./ CityNews





Lajmet e fundit nga