web counter
LEXO PA REKLAMA!

SHKARKO APP

App Store
Google Play

E fundit!

x

Basha show me luftën kundër korrupsionit / S'ka mbledhur kurrë departamentin antikorrupsion

29 Tetor 2017, 16:58, Aktualitet CNA

Kryetari i Partisë Demokratike, Lulzim Basha, po proklamon me të madhe luftën kundër korrupsionit dhe korrupsionistëve të qeverisë Rama, qeveri sipas të cilit është e kontrolluar nga krimi, por pavarësisht se kanë krijuar një departament antikorrupsion, sërish prej krijimit të tij nuk është bërë asnjë mbledhje.

Edhe pse ky departament, si një nga departamentet më të rëndësishme në të bërit opozitë ndaj qeverisë, i krijuar për krijuar për të denoncuar dhe për të qenë një pikë strategjike e PD-së , për të mbledhur informacion dhe zbuluar aktet korruptive, sërish është thuajse inekzistent.

Departamenti Antikorrupsion, i drejtuar prej Lealba Pelinkut, nuk mund të krahasohet as edhe me denoncimet e ish-kryeministrit Berisha, apo qytetarit digjital, denoncime të cilat kanë rezultuar në masë të vërteta dhe të bujshme, si ajo ndaj kushërinjve Habilaj, të ish-ministrit të Brendshëm Saimir Tahiri dhe këtij të fundit, që rezulton i përfshirë në të.

Ndoshta nuk është faji i Pelinkut, që nuk është mbledhur departamenti për të bashkërenduar aktivitetet dhe mbledhur informacion për aktet dhe aferat korruptive, pasi kujtojmë se kreu i PD-së Lulzim Basha, ka marrë fuqi absolute, duke mos pyetur asnjë nga strukturat dhe forumet e zgjedhura.

Por duhet thënë se nëse ky departament do të ishte funksional dhe të shtrihej në degët e PD, sot do kishim me dhjetra denoncime dhe fakte publike për aferat korruptive nga Bashkitë, drejtoritë rajonale, çdo qelizë korruptive do denoncohej ditë pas dite. Mund të zbulonin dhe denonconin të gjithë aktet apo aferat korruptive në këto institucione dhe jo vetëm.

Këto denoncime mungojnë edhe zyrtarisht në faqen zyrtare të PD e cila ka ndryshuar dhe emër.
Basha duket se këtë departament nuk e dëshiron shumë aktiv pasi ndoshta i krijon atij probleme duke e cënuar në dashurinë me Ramën dhe marrëveshjen e 18 majit. /CityNews





Lajmet e fundit nga