web counter
LEXO PA REKLAMA!

SHKARKO APP

App Store
Google Play

E fundit!

x

Deputeti socialist: Ja pse duhen shkarkuar prokurorët

24 Tetor 2017, 14:21, Aktualitet CNA

Deputeti i Partisë Socialiste, Ulsi Manja, me anë të një postimi në rrjetet sociale, ka reaguar ndaj qëndrimit të prokurorisë dhe deklaratave të ditës së djeshme, teksa i quan si deklarata politike, dhe nuk lejohen të sulmojnë Kryeministrin për fjalimin e tij.

“Më kanë pyetur shumë njerëz a ka të drejtë prokuroria të bëjë deklarata politike si ajo e djeshmja, ja përgjigja ime:
Deklarata politike si ajo e djeshmja në mënyrë kategorike jo, madje as nuk duhet ti çojnë nëpër mend e jo më ti bëjnë publike në media sepse e ndalon Neni 9 paragrafi i 3 i ligjit ?Për Organizimin dhe Funksionimin e Prokurorisë në R.SH? ku thuhet qartë dhe pastër, ? prokurorëve u ndalohet të bëjnë deklarata ose të japin mendime për veprimtarinë e organeve të tjera?, e jo më të sulmojnë Kryeministrin që mban një fjalim politik në një forum të partisë së tij !!!
Besoj kaq e kupton edhe një që nuk është jurist!”, – shprehet Manja.

Sipas Manjës, kjo është një shkelje e rëndë e Kushtetutës, e kësisoj duhen marrë masa ndëshkimore. Sipas Manjës për një shkelje të tillë prokurori duhet të shkarkohet nga Këshilli i Lartë i Prokurorisë, për “shkelje të rënda profesionale”.

“Kjo konsiderohet si shkelje e betimit të bërë solemnisht ?për ti qëndruar kurdoherë besnik Kushtetutës së Republikës së Shqipërisë, ligjeve në fuqi dhe respektimit të rregullave të etikës profesionale në kryerjen e detyrës? , dhe në bazë të Nenit 148/dh të Kushtetutës së Shqipërisë , prokurori shkarkohet nga Këshilli i Lartë i Prokurorisë për ?shkelje të rënda profesionale ose etike që diskretitojnë pozitën dhe figurën e prokurorit gjatë ushtrimit të detyrës?, respektivisht shkelen Nenet 37, 101/c dhe 102/ë të ligjit ?Për Statusin e Gjyqtarëve dhe Prokurorëve në R.SH?”, – thekson deputeti socialist.

Manja shprehet se për të kuptuar këto shkelje nuk nevojitet shumë punë, mjafton që të lexosh ligjet e vendit. /CityNews





Lajmet e fundit nga