web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj i kundërpërgjigjet Tahirit/ Prokuroria italiane nuk ka për detyrë të procedojë ministrin shqiptar

24 Tetor 2017, 11:54, Aktualitet CNA

Deputeti i PD Enkelejd Alibeaj në një dalje për mediat ka reaguar pasi Saimir Tahiri publikoi një dokument të Prokurorisë së Katanias në të cilën thuhej se nuk ka pasur asnjë procedim penal në lidhje me të. Alibeaj u shpreh se Prokuroria e Katanias nuk e ka për detyrë të procedojë ministrin në Tiranë, por kjo është detyra e prokurorisë shqiptare.

Sipas Alibeaj Rama dhe Tahiri po pengojnë detyrën e tyre duke mos pranuar kërkesën e saj. Alibeaj më tej u shpreh se aktakuza e antimafias italiane ka 1800 faqe prova dëshmi të cilat tregojnë përfshirjen direkt të Tahirit dhe përfititmin e milionave euro nga trafiku i drogës. ?Çdo shqiptar do të ishte në burg me gjithë këto prova, ndërsa Tahiri jo se e mbron Rama?, u shpreh deputeti i PD-së.

Në fjalën e tij Alibeaj tha se Rama e mbron Tahirin nga frika se mund të nxjerrë prova që implikojnë familjen dhe të afërmit e tij në ngjarje kriminale. Ai akuzoi Ramën se ndaloi drejtësinë të bënte punën dhe  i dha kohën e duhur Tahirit të pastronte shtëpinë dhe të zhdukte provat.

Deklarata e deputetit Enkelejd Alibeaj: 

Letra që nxori sot Saimir Tahiri mund të tundet për militantët e oborrit por për askënd tjetër.

Prokuroria e Katanias, ka arrestuar Moisi Habilajn dhe kërkon anëtarët e tjerë të bandës, sepse ata janë kapur duke e kryer aktivitetin kriminal në territorin e tyre, në Itali.

Prokuroria e Katanias, nuk mund dhe nuk e ka për detyrë të procedojë Ministrin në Tiranë, që mbështet, lehtëson dhe i hap rrugën bandës në trafikun e drogës.

Kjo është detyrë e prokurorisë shqiptare.

Pikërisht, këtë detyrë të prokurorisë dhe drejtësisë shqiptare, Edi Rama dhe Saimir Tahiri po e pengojnë, duke mos pranuar kërkesën e saj.

Aktakuza e antimafias italiane per Tahirin jane 1800 faqe prova, dëshmi, dhe fakte të drejtësisë italiane tregojnë përfshirjen direkte të Tahirit dhe përfitimet e tij në miliona euro nga trafiku i tonelatave me drogë.

Cdo qytetar shqiptar do të ishte në burg me këto prova.

Por Saimir Tahiri jo, sepse ka imunitet, dhe sepse e mbron Edi Rama.

Arsyet pse e mbron Edi Rama, tashmë janë të qarta për këdo. Sepse është i kapur, sepse Tahiri nuk do të rrinte duarkryq, por sic ia ka bërë të ditur, do të nxirrte provat dhe materialet që ka për përfshirjen direkt të Edi Ramës, të familjarëve të tij, të ministrave të tij, në afera të rënda kriminale.

Ndaj, Edi Rama jo vetëm nuk miratoi kërkesën, cka pritet ta finalizojë nesër në Parlament me votën kundër, por edhe më shumë, ka nisur një sulm të paprecedentë ndaj prokurorisë.

Një sulm frontal, të paprinciptë, dhe shantazhe të njëpasnjëshme, ku dallon këtu kërcënimi ndaj dëshmitarit që ka prokuroria e krimeve të rënda, për lidhjen e Tahirit me Habilajt.

Ndërkohë që ndaloi drejtësinë të bënte punën e saj, Edi Rama i dha kohën e duhur Tahirit të pastronte shtëpinë dhe të zhdukte provat që e lidhin me bandën e trafikut të drogës.

Parlamenti shqiptar nesër ka provën, nëse do të zgjedhë drejtësinë dhe barazinë para ligjit, apo do të zyrtarizojë dy standartet e Ramës, e do të marrë në mbrojtje krimin.

Partia Demokratike dhe opozita qëndrojnë në anën e drejtësisë dhe barazisë para ligjit./ CityNews





Lajmet e fundit nga