web counter
LEXO PA REKLAMA!

SHKARKO APP

App Store
Google Play

E fundit!

x

KQZ takim me Forumin e të Rinjve të Verbër të Shqipërisë

23 Tetor 2017, 14:34, Aktualitet CNA

Ditën e sotme Komisioni Qendror i Zgjedhjeve priti në takim të rinjtë e Forumit të të Rinjve të Verbër të Shqipërisë.

Në fjalën e tij anëtari i KQZ-së, z. Bledar Skënderi, i përgëzoi ata për iniciativën e ndërmarrë,  dhe i siguroi se angazhimi i tyre qytetar do të këtë mbështetjen e vazhdueshme të KQZ-së, e cila mbetet e përkushtuar për shmangien e pengesave për personat me aftësi ndryshe në procesin e votimit.

Në qendër të takimit ishte diskutimi i gjetjeve dhe rekomandimeve të tyre për përballjen e sfidave të votuesve të verbër në procesin e votimit.

Temat kryesore që u diskutuan ishin: aksesushmëria e zgjedhësve që nuk shikojnë përgjatë procesit të votimit, si në informim, në procesin e trajnimit të komisionerëve të Qendrave të Votimit, dhe ushtrimi i të drejtës së votës në mënyrë të drejtpërdrejtë, përmes mjetit të posaçëm maskës me alfabetin braille.

Pjesmarrës në këtë takim ishin dhe zëvëndësambasadori i Prezencës së OSBE-së, z. Robert Willton, i cili ofroi mbështetjen e tij për të rinjtë të cilët i janë dedikuar kauzës së të rinjve të verbër në Shqipëri.

Ndër të tjera të rinjtë falenderuan Prezencën e OSBE-së për mbështetjen e dhënë.

?Të rinjtë falenderuan Prezencën e OSBE-së për mbështetjen e dhënë, KQZ-në për punën e bërë për zgjedhësit më aftësi të kufizuara në përgjithësi, dhe në mënyrë specifike për zgjedhësit që nuk shikojnë. Të rinjtë evidentuan se nga zgjedhjet 2005, kur për herë të parë KQZ prodhoi maskën me alfabetin braille, proceset zgjedhore në vijim kanë shënuar progres të dukshëm për krijimin e kushteve për personat me aftësi të kufizuar?. /CityNews





Lajmet e fundit nga