E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Alban Daci/ Këndvështrim tjetër mbi rastin Tahiri

23 Tetor 2017, 13:03, Aktualitet CNA

Nuk mund të rri pa e bërë këtë koment për dy arsye:Së pari si intelektual i ri, me formacion perëndimor nuk mund te jem parimisht kurrë dakord me përdorimin, ose çdo lloj tentative që kanë për qëllim të mbrojnë forma kriminale, qoftë edhe dyshime të kësaj natyre për interesa politike apo edhe më keq për t’i shërbyer politikës.

Së dyti, për faktin se kam një post politik dhe e ndjej obligim të them e të nevizoj se, politika duhet të qëndrojë larg çdo forme apo qoftë edhe dyshimi për implikim kriminale.

Për këto dy motive nuk mund të hesht dhe asnjë qytetar i lirë i Shqipërisë tonë nuk duhet të heshtë, sepse kjo lloj sjellje do të na bënte palë të gjithë me devijancën bashkëpunëtore në forma të ndryshme të kësaj devijance, që në zhargonin popullor quhen kriminelë e sipas drejtësisë quhen persona të akuzuar e të dyshuar për konsumim të veprave penale.

Në rastin e Tahirit po bëhet një gabim i madh, sepse i gjithë diskutimi bëhet nëse ka prova për ta arrestuar apo jo. Kjo nuk është një çeshtje e jona dhe as e politikës, sepse në fakt duhet të ishte çështje e drejtësisë dhe jo e Parlamentit.

Megjithatë, në këtë prizëm secili prej nesh duhet të ketë durim, sepse procesi është në fazë hetimesh e kjo do të thotë se Tahiri nuk ka mbaruar punë me drejtesinë për sa kohë nuk ka një vendim të formës së prerë për pafajesinë e tij.

Nuk ka fituar Tahiri, as Rama e as PS-ja. Nuk kam asgjë personale me Tahirin edhe pse jam në opozitë politikisht me të dhe me stilin e të bërit politikë ose me mënyrën se si ai e koncepton politikën.

Pra, mes meje dhe Tahirit na ndan optika që për politikën. Deri në këto momente përtej entuziasmit, ai nuk është as fajtor e as i pafajshëm, por nën hetim dhe Prokuroria e Krimeve të Rënda nuk e ka mbyllur çështjen me konkluzione të përshkruara.

Është e gabuar të diskutohet kjo çështje vetëm formën aktive, nese Tahiri ka konsumuar vepra penale apo jo për të justifikuar statusin e lirisë së tij.

Në drejtësi vepër penale është edhe forma pasive. Për shembull në rastin e korrupsionit pasiv, në rastin e mos denoncimit/kallzimit të një vepre penale dhe shpërdorimi i detyrës. Pse askush nuk flet për këto të fundit? Sajmir Tahiri ka qenë Ministër i Brendshëm dhe numri një për luftën e krimit të organizuar ose jo në territorin shqiptar, të trafiqeve apo të çdo lloj forme përfitimi e pasurimi në mënyrë të paligjshme. A ka përgjegjësi ligjore Saimir Tahiri për faktin se sipas të të gjithë të dhënave ai nuk e luftoi dhe parandaloi kultivimin dhe trafikimin e lendëve narkotike? A ka faj ligjore Saimir Tahiri për faktin se bandat nuk qenkan zbuluar dhe arrestuar, po gjatë gjithë kohës së tij si Ministër i Brendshëm kanë vazhduar aktivitetet e tyre pa asnjë pengesë nga institucionet e rendit? A ka konsumim të veprave penale nga Tahiri pasivitetin e tij përballë këtyre fenomeneve? Kjo i takon drejtësisë ta gjykojë dhe të marr vendime.

Po politikisht a ka përgjigjesi Tahiri, Rama dhe e gjithë PS-ja? Sajmiri Tahiri është deputet, Kryetar i PS dega Tiranë dhe kryetar i Shtabit Elektoral të PS-së për Qarkun Tirane. Qoftë edhe për faktin se emri i tij përmendet në rrethana të tilla, i gjithë morali politik i tij, Ramës dhe PS-se bien dhe deligjitimojnë politikisht arsyetimin dhe justifikimin e tyre për të vazhduar të qeverisë shqiptarët.