Si e komenton ish shefi i shërbimit sekret dosjen "Habilaj-Tahiri"

22 Tetor 2017, 20:33, Aktualitet CNA

?Për mua nuk janë prova që prokuroria mund të kërkojë të drejtën e arrestit për një deputet, janë absurde. Janë muhabete të dy trafikantëve droge, të cilët mburren kush më shumë që të mundet se i dinë llogaritë e ministrit të Brendshëm se e dinë sa harxhon ai, sa i duhen për këtë e sa i duhen për atë?, kështu e nis intervistën e tij dhenë për gazeta ?sot? ish shefi i shërbimit sekret shqiptar, Fatos Klosi.

Për të, gjithë sa po ndodh, është një lojë politike, e dirigjuar nga segmente që qëndrojnë pas opozitës Basha, për të përfituar kapital politik pas rrënimit të autoritetit nga humbja e thellë në zgjedhjet e qershorit.

?Sa i përket sulmit, ai është sulm politik. Është marrë një copë nga një proces gjyqësor që do të zhvillohet, se akoma nuk është zhvilluar, por që do të zhvillohet në Siçili dhe janë përpjekur që ta përdorin për një sulm. Unë nuk do ta quaja sulm por më saktë baltosje të ish-ministrit të Brendshëm të Parisë Socialiste. Kështu e komentojë unë domethënë. Tani prokuroria për mua është se po e përdorin politikisht. Ata që tani i kanë emëruar këta njerëz tani po i përdorin… Domethënë kjo është lojë e opozitës. Opozita praktikisht kaq mund të bëj, të shfrytëzoj çdo lloj rasti, të punojë në mënyrë që të hedh sa më shumë baltë mbi pozitën. Ato janë në një luftë të përhershme me njëra-tjetrën. Është normale. Detyra e opozitës kjo është. Në sytë e publikut ta bëj qeverinë sa më të baltosur me shpresën që do të përfitojë politikisht nga kjo gjë. S?ka na një gjë për tu çuditur…?, ka vlerësuar Fatos Klosi.

Mirëpo si i shikon ai bisedat e përgjuara nga ana e shërbimeve sekrete italiane? A kanë ato vlerë dhe a përbëjnë prova hetimore të mjaftueshme për të inkriminuar ish ministrin e Brendshëm Saimir Tahiri?

? Dosja përmban biseda të regjistruara të trafikantëve dhe aty është përmendur Tahiri si kushëriri i tyre. Dhe këta mburren që e kanë Tahirin. Janë muhabete midis trafikantëve. Kështu që nuk ka kërkuar njeri nga prokuroria italiane që të akuzohet Tahiri. Këtë po e bën prokuroria shqiptare. Këtë po e bën Partia Demokratike që ia ka kërkuar prokurorisë shqiptare këtë gjë. Por nuk e kanë bërë italianët. Italianët kanë në dosje çfarë kanë thënë trafikantët. Ata e kanë përmendur Tahirin. S?ka absolutisht asnjë rëndësi. Kjo nuk është provë. Fjalët e trafikantëve domethënë nuk janë e vërteta. Trafikantët përkundrazi mbahen si njerëz që në muhabetet e tyre bëjnë muhabete kriminelësh. Kështu që nga kjo pikëpamje kjo s?përbën asgjë. Nuk është se Tahiri është akuzuar nga prokuroria italiane që qenka trafikant apo ka ndihmuar trafikantë. Kjo s?përbën gjë fare?./ CityNews