web counter
LEXO PA REKLAMA!

SHKARKO APP

App Store
Google Play

Pas Tahirit, Ramës po i kërkohet një kokë tjetër

18 Tetor 2017, 17:24, Aktualitet CNA

Avokati Spartak Ngjela, dikur mik dhe përkrahës i qëndrimeve të kryeministrit Edi Rama, ka vijuar me sulmet ndaj tij.

Me anë të një komenti mbi aktualitetin politik, Ngjela është shprehur se përveç Saimir Tahirit, tashmë Ramës po i kërkohet edhe një “kokë” tjetër. E sipas tij bëhet fjalë për Sekretarin e Përgjithshëm të Kryeministrisë.

“Tani, pas Tahirit, Ramës po i kërkohet dhe po shkon drejt penalizimit edhe sekretari i përgjithshëm i Kryeministrisë.”, – thekson Ngjela.

Avokati shprehet se sulmi i ndërkombëtarëve ndaj stafit të ngushtë të Ramës, nuk është gjë tjetër pos një shenjë se, “Krimit shtetëror po i hiqet kallaji”.

“Ndërkombëtarët po godasin stafin e ngushtë të Ramës. Pse?
Ja, kjo është pyetja që duhet të ngrerë gazetaria shqiptare, e jo të merret vetëm me faktin. Nuk e kuptoni që gjithçka po ngrihet kundër Ramës?
Krimit shtetëror po i hiqet kallaji.
Kot shqetësoheni; nuk ka më shpëtim. I mërzitur ishte dje edhe Basha. E kishin shpresën te Rama që të bllokonin Reformën në Drejtësi. Kalamaj këta që i solli në skenë historia e hidhur e Shqipërisë, por që tani janë drejt fundit”, – theksoi Spartak Ngjela.

Në vijim, Ngjela shprehet se edhe pse palët politike nuk e duan Reformën në Drejtësi, sërish nuk e kanë fuqinë e ndalimit të saj. /CityNews





Lajmet e fundit nga