web counter
LEXO PA REKLAMA!

SHKARKO APP

App Store
Google Play

E fundit!

x

Dhunimi i fëmijëve me aftësi të kufizuara/ 4 pyetje Ministres së Arsimit

18 Tetor 2017, 15:14, Aktualitet CNA

Pas publikimit të rastit të keqtrajtimit të nxënësve me aftësi ndryshe në shkollën ?Luigj Gurakuqi? në Tiranë ka ardhur dhe reagimi i  Koalicionit për Arsimin në Shqipëri (ACE) dhe organizatat partnere që punojnë për mbrojtjen e të drejtatve të fëmijëve.

Në një letër të hapur, drejtuar ministries së Arsimit, Rinisë dhe Sportit, Lindita Nikolla, ata kanë bërë me dije se kanë pritur një reagim nga kjo e fundit pas rastit të publikuar në media, reagim i cili nuk ka ardhur gjer sot. Ata i kanë drejtuar 4 pyetje thelbësore, ku midis tyre ata theksojnë se përse nuk ka në shkolla mësues të specilaizuar për këtë klasë.

?1. Mësuesit e shkollave të specializuara janë të diplomuar në arsimin special.

Sa mësues të tillë ka në shkollat tona të specializuara?

I kanë në organikën e tyre këta specialistë shkollat speciale? A i kanë marrë trajnimet e duhura dhe specifike stafet që punojnë në këto shkolla?

A bëhet vlerësim i rregullt nga komisioni multidisiplinar për këtë grup nxënësish dhe a punohet në bashkëpunim me prindërit për ndërtimin e PEI të fëmijës?

Çfarë ndodh realisht me këto shkolla dhe pse nuk e kryejnë këtë funksion shkollat speciale??

 Në vijim ata i kanë bërë ftesë ministres që të ulen për të biseduar dhe ti japin një zgjidhje të drejtë situatës, për të shmangur skema të tilla për personat të cilët duan mbështetje dhe jo të kundërtën e saj.

?Kjo është një ftesë e hapur që të ulemi së bashku dhe të hartojmë një plan veprimi, me qëllim që fëmijëve të familjeve në nevojë, nxënësve me aftësi të kufizuara dhe atyre me vështirësi në të nxënë, tu ofrohet përkujdesje e posaçme sipas përcaktimeve në Ligj?. /CityNews





Lajmet e fundit nga