web counter
LEXO PA REKLAMA!

SHKARKO APP

App Store
Google Play

Policët në Lirim publikojnë faktet që implikojnë Tahirin me botën e krimit

17 Tetor 2017, 21:03, Aktualitet CNA

Pas publikimit të dosjes së Habilajve ku dëshmohet qartazi implikimi i ish-ministrit Saimir Tahiri në çështjet e drogës dhe krimit në vend, ka ardhur dhe reagimi i Shoqatës së Punonjësve të Policisë në Lirim-2013, të cilët nëpërmjet një postimi në rrjetet sociale, kanë deklaruar se ?Padrio i Krimi të Organizuar? ka rënë për të dytën herë, tashmë me fakte konkrete.

?PADRINO E KRIMIT TË ORGANIZUAR SAIMIR TAHIRI SOT RA EDHE DE FACTO!

Hetimet italiane për arrestimin e vllezërve Habilaj nxorrën në dritë të gjitha akuzat në drejtim të Kumbarit të Krimit të Organizuar në Shqipëri dhe rajon ish Ministrit të Brendshëm Saimir Tahiri. Tashmë janë nën rrjetën e drejtësisë italiane Habilajt, AA 003 GB dhe Kumbari Tahiri.

SH.P.P.L-2013 nuk ka rreshtur së denoncuari çdo fakt implikues në rrjetin e kriminalitetit Ministrin Tahiri për katër vjet me radhë.

Provat kokëforta të implikimit të tij në botën e krimit nuk i mjaftuan drejtësisë shqiptare as për të filluar hetimet.

Nuk mjaftoi kanabizimi i gjithë territorit të vendit kundrejt 30% duke e kthyer Shqipërinë vendin kryesor si furrnizues droge për tregun europian.

Nuk mjaftoi instalimi i laboratorit të kokainës, më i madhi në ballkan.

Nuk mjaftoi fshehja e dokumentave të INTERPOL-it në zyrën e tij.

Nuk mjaftoi djegia e provave në laboratorin e Policisë Shkecore.

Nuk mjaftuan provat e sistemit TIMS për përdorimin e makinës personale të Ministrit të Brendshëm nga Habilajt.

Nuk mjaftoi rikthimi në kupolën drejtuese të Policisë së Shtetit persona me rekorde kriminale.

SH.P.P.L-2013 i bën thirrje gjithë Institucioneve ligjzbatuese se është momenti të vendoset drejtësia për kumbarin e krimit?. /CityNews





Lajmet e fundit nga