web counter
LEXO PA REKLAMA!

SHKARKO APP

App Store
Google Play

E fundit!

x

Basha sulmon Ramën / Po ndihmon kriminelët të arratisen

15 Tetor 2017, 16:51, Aktualitet CNA

Kryetari i Partisë Demokratike, Lulzim Basha, ka sulmuar sërish qeverinë për nismën e saj për futjen në TVSH edhe të biznesit të vogël.

Me anë të një komenti në rrjetet sociale, Basha shprehet se Edi Rama ndjen detyrime vetëm karshi kriminelëve, dhe qytetarët e thjeshtë e nevojtarë në vend që t’i mbështesë, po u vë në shpinë edhe TVSH-në.

“Edi Rama nuk e ka ndërmend tu vijë në ndihmë 30% të familjeve që nuk blejnë dot ushqime, 39% të familjarëve që nuk paguajnë dot faturat e dritave dhe ujit, 43% të familjeve që nuk sigurojnë dot ngrohje për fëmijët. Përkundrazi ai duke futur biznesin e vogël në skemën e tvsh, do të rrisë çmimet dhe vështirësojë edhe më shumë jetën për shqiptarët. Sepse Edi Rama nuk ndjen detyrim për qytetarët, vetëm për kriminelët që e mbajtën në pushtet”, – shkruan kryedemokrati.

Më tej ai shprehet se ai çdo ditë të qeverisjes së tij ia kushton kriminelëve nga të cilët fitoi edhe votat.

“Prandaj çdo ditë të qeverisjes së tij ia kushton krimit dhe kriminelëve, herë duke mbyllur sytë para hashashizimit të vendit, herë duke ndihmuar kriminelet të arratisen e herë duke fshehur urdhërarrestet ndërkombëtare për ta”, – përfundon Basha. /CityNews





Lajmet e fundit nga