E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Rama dhe Berisha do të përfundojnë keq

13 Tetor 2017, 07:49, Aktualitet CNA

Në një status në rrjetet sociale, avokati Spartak Ngjela ka reaguar për situatën e djeshme në parlamentin shqiptar duke cilësuar si një komedi dhe farsë, sipas tij për të sjellë destabilitetin e Shqipërisë.

?Pse, vërtet qënka fyer ndeputeti pa mend i PD-së? Dhe e gjithë kjo farsë iu del se ky “burrë zakoni” do fliste pas pesë minutash, dhe jo para pesë minutash në foltoren e Parlamentit.
Vërtet mund të jetë ky shkak për konflikt. Po pse, ky ciceroni memec i Partisë Demokratike, pas pesë minutave do të humbiste tempin real të elokuencës së tij të madhe, dhe kështu do të fitonte kundërshtari betejën?
Vërtet mendojnë këta fëmijë të trembur nga ligji se mund të na gënjejnë??- shkruan Ngjela.

Avokati Ngjela thotë le ta marrim soi të vërtetë se ky konflikt erdhis pasi, mbrapa krahëve, Rama kryeministër, ka fyer Sali Berishën më fjalë të ulta kur ky ishte duke folur në foltore.

?Nëse kjo është e vërtetë, tregon që kryeministri shqiptar është skizofren, se një kryeministër normal nuk mund ta bëjë këtë akt, prandaj ky nuk mund të jetë kurrë kryeministër në një demokraci, se po ka bërë këtë ndaj një deputeti të zgjedhur nga populli, është person me rrezikshmëri shoqërore.?- thotë Ngjela.
Avokati Ngjela ngre pyetjen nëse është kështu, atëherë pse opozita nuk kërkon dorëheqjen e kryeministrit. Dhe Sipas avokatit, përgjigja e vetme është se ata janë bashkë.

Spartak Ngjela shprehet se nëse provohet ajo që thotë Berisha, ky nuk është më kryeministër po një paçavure që duhet flakur sa më parë.

?Ku ka kryeministër në demokraci që fyen një opozitar fshehtas, si hajdutët?

Po këtu lind kjo pyetje dyshuese: pse nuk shkon opozita, domethënë Saliu te prova? sepse, një ekspertizë ndërkombëtare, në një orë e nxjerr çfarë ka folur Rama, sado fshehtas. E pra, pse nuk shkon Saliu te prova??- thotë Ngjela.
Gjithashtu Ngjela akuzon opozitën dhe mazhorancë, pasi sipas tij ky qenka sekreti i cili na tregon se që të dyja palët duan destabilizimin, që gjoja po ndodh nga provokimi i Ramës.

?Logjika është shumë e saktë: pas një ekspertize profesionale, PO qe e vërtetë ajo që thotë Berisha, ikën Rama si një skizofren nga politika, PO të mos dalë gjë, fundoset përfundimisht Berisha.

Por deri tani, asnjëri nga të dy nuk po e kërkon këtë.?- shkruan Ngjela në postimin e tij.

Avokati Ngjela akuzon Ramën dhe Berishën, pasi sipas tij ky nuk është gje tjetër veçse
një është skenar i të dyve për të krijuar rrëmujë shoqërore destabilizuese në Shqipëri.
Ngjela thotë se kjo ndodh sepse ?Të dy janë të gjithë të inkriminuar, dhe sigurisht që i tremben Reformës që po vjen si cunam për shtëpitë e tyre të ngritura me vjedhje?.

Gjithashtu Ngjela thotë se këtë e dinë edhe ndërkombëtarët, të cilët qeshin kur shohin se të dyja palët po bashkëpunojnë për të destabilizuar vendin.

?Më dëshirën e fëmijës për të bërë luftë, edhe Rama edhe Berisha do të përfundojnë të dy shumë keq. Nuk ka forcë sot që ta destabilizojë Shqipërinë.?- deklaron Spartak Ngjela./ CityNews