E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Luan Rama apel Ruçit: Kthe ligjin e minoriteteve!

12 Tetor 2017, 19:00, Aktualitet CNA

Nënkryetari i Lëvizjes Sociliate për Integrim, Luan Rama, ka reaguar pas paraqitjes në Kuvend të prjektligjit “Për mbrojtjen e pakicave kombëtare”.

Me anë të një letre drejtuar kryetarit të Kuvendit, Luan Rama shprehet, se projektligji në atë mënyrë që është paraqitur, nuk duhet të miratohet përshkak se bie në kundërshtim me Kushtetutën e vendit dhe interesat kombëtare.

Sipas tij projektligji ka shumë probleme dhe deformime e kësisoj nuk duhet miratuar. Projektligji në fjalë nuk i është nënshtruar një diskutimi të detajuar dhe “nuk është bërë objekt diskutimi e debati në mjedisin intelektual e shkencorë, me historianë, antropologë, etimologë, gjuhëtarë, njohës të së drejtës ndërkombëtare e kështu me radhë!”. Ai e quan këtë një sprovë të madhe ndaj deputetëve të Kuvendit.

“Jemi përballë provës së dinjitetit dhe integritetit tonë, në emër të të cilave ju ftoj të mos e votojmë këtë projektligj, por ta kthejmë atë e ta bëjmë objekt debati publik, politik, intelektual e shkencor!”, – shprehet Luan Rama.

Sipas Ramës, pakicat kombëtare në bazë zë Konventës Kuadër të Këshillit të Europës për Mbrojtjen e Minoritetetve Kombëtare thuhet se “Të angazhuar për të mbrojtur ekzistencën e pakicave kombëtare në territoret e tyre përkatëse”, çka sipas Luan Ramës tregon se ato duhet të kenë një territor përkatës, gjë që disa prej atyre që përcaktohen si minoritete në projektligjin e propozuar, nuk e kanë.

“E di që dikush do të më referojë menjëherë Konventën Kuadër të Këshillit të Europës Për Mbrojtjen e Minoriteteve Kombëtare. Atëherë me lejoni t’ju citoj fjalë për fjalë paragrafin e katërt të kësaj Konvente, ku thuhet shprehimisht: “Të angazhuar për të mbrojtur ekzistencën e pakicave kombëtare në territoret e tyre përkatëse”, (pra, vini re “… në territoret e tyre përkatëse – thotë Konventa!), ç’ka në thelb shpreh qartë kushtin e parë që duhet të plotësojë një bashkësi për t’u konsideruar pakicë kombëtare.”, – shkruan Rama, ku shton se:

“Zonë e Pakicës do të thotë një territor kompakt dhe ne vijimësi të territorit të vendit prej nga vjen pakica, me kulturë historike, gjuhë e besim fetar të njëjtë si përshembull në rastin e pakicës kombëtare greke, maqedonase ose malazeze në Shqipëri!

Po në rastin e romëve ku e kemi zonën pakicë? Ku e kemi territorin kompakt?! Po në rastin e vllehëve ku e kemi territorin kompakt të Zonës Pakicë?!

Që një bashkësi të quhet pakicë kombëtare, përveç territorit kompakt duhet që numerikisht të jetë shumicë relative brenda Zonës Pakicë apo brenda territorit të tyre përkatës siç e cilëson Konventa Kuadër e Këshillit të Europës, në raport me popullsinë tjetër!
Ku e kemi ketë shumicë relative në rastin e vllehëve, romëve, egjiptianëve, serbëve apo bullgarëve që qeveria me projektligjin e saj na i shpall pakica kombëtare?!”.

Po ashtu sipas nënkryetarit të LSI-së, ky është një provokim i rëndë ndaj bashkëjetesës së harmonisë së shoqërisë shqiptare.

“Përveç se falsifikim, ky është edhe një provokim i rëndë mbi vlerat më të qenësishme të qytetërimit shqiptar, mbi vetë dimensionet e bashkëjetesës e harmonisë së shoqërisë shqiptare, duke stisur realitete të paqena, përmes mbjelljes së Shqipërisë me pakica kombëtare inekzistente!”, – thekson Rama.

Në përmbyllje të letrës së tij teksa fton kryetarin e Kuvendit Gramoz Ruçi, që të udhëheqë Parlamentin për të vendosur me dinjitet dhe integritet, Luan Rama shprehet: “Jemi përballë provës së dinjitetit dhe integritetit tonë, në emër të të cilave ju ftoj të mos e votojmë këtë projektligj, por ta kthejmë atë e ta bëjmë objekt debati publik, politik, intelektual e shkencor!”.