web counter
LEXO PA REKLAMA!

SHKARKO APP

App Store
Google Play

E fundit!

x

Vrasjet në Lushnjë / Policia jep versionin zyrtar

11 Tetor 2017, 18:16, Aktualitet CNA

Pas atentatit mafioz të ndodhur në qendër të Lushnjës, në afërsi të Komisariatit të Policisë, ku mbetën të vrarë 2 persona dhe dy të tjerë u plagosën, policia ka dhënë versionin e saj zyrtar.

Sipas policisë, personat që kanë humbur jetën në ktët atentat janë shtetasit Zamir Latifi 23 vjeç dhe Jurgen Hoxha, 22 vjeç, ndërsa të plagosurit janë Marius Xhepexhiu dhe Bujar Turku, përkatësisht 26 dhe 66 vjeç.

26-vjeçari i plagosur Marius Xhepexhiu po transpoertohet me urgjencë për në Tiranë, për një mjekim më të specializuar.

Versioni zyrtar nga policia:

Në datën 11.10.2017 në lagjen “Loni Dhamo”, në vendin e quajtur “Ura e Përroit” Lushnje, nga persona të paidentifikuar ende është qëlluar me armë zjarri automatik dhe si pasojë kanë ndërruar jetë 2 shtetas, ka mbetur i plagosur rëndë 1 tjetër, si dhe ka marë dëmtim të lehtë edhe një shtetas tjetër i cili ndodhet në Spitalin e Lushnjes nën kujdesin e mjekëve pa probleme për jetën.

Viktimat janë shtetasit Z. L, 23 vjeç dhe J. H., 22 vjeç, banues në lagjen “Loni Dhamo”, Lushnje.

Shtetasi i plagosur rëndë është M.Xh, 26 vjeç, banues në lagjen “Loni Dhamo”, i cili po transportohet për në Tiranë.

Si dhe ka marrë demtim të lehtë shtetasi B.T, 66 vjeç.

Gjithashtu në Sallën Operative Lushnje ka ardhur një telefonatë se në aksin rrugor Lushnje-Berat, po digjet një mjet.

Grupi hetimor ka shkuar menjëherë ku ka gjetur në automjet tre armë zjarri automatike.

Automjeti dyshohet se mund të jetë i autorëve.

Eshtë ngritur grupi hetimor i cili po punon për zbardhjen e plotë të ngjarjes.

Janë ngritur pika kontrolli në hyrje-daljet e qytetit me qëllim identifikimin dhe kapjen e autorëve të kësaj ngjarje.





Lajmet e fundit nga