E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Vizita e Erdoganit në Serbi/ Asnjë fjalë për Kosovën

10 Tetor 2017, 19:03, Aktualitet CNA

Presidenti i Republikës së Turqisë, Recep Tayyip Erdogan gjatë vizitës së tij të sotme në Beograd nuk e ka përmendur fare Kosovën, ndërsa ka deklaruar se projekti i autostradës mes kryeqyteteve të Bosnjë e Hercegovinës (BeH) dhe Serbisë duhet sa më parë të realizohet.

?Sot zhvilluam takime shumë të dobishme, ndërsa do të kemi rastin t?u adresohemi afaristëve, një pjesë e të cilëve tashmë vepron në Serbi, ndërsa një pjesë e tyre ka arritur dhe janë investitorë potencial në Serbi. Bëhet fjalë për afaristë të dëshmuar, të suksesshëm dhe aktiv. Besoj se hapat e tyre do të ndihmojnë në zhvillimin e Serbisë?, tha Erdogan duke folur për takimet e sotme me presidentin e Serbisë, Aleksandar Vuçiq.

Presidenti i Turqisë, Erdogan e falënderoi Vuçiqin për pritjen në aeroportin ?Nikolla Tesla?, të cilën e bëri mbrëmë me ministrat e Qeverisë së Serbisë.

Qi rikujtoi se më herët para shtatë vitesh në Serbi ka qëndruar si kryeministër, ndërsa sot është në Beograd si president dhe në shoqëri të dhjetë ministrave dhe një numri të madh të afaristëve.

Presidenti turk tha se nuk mund të harrojë mbështetjen e presidentit të Serbisë Aleksandar Vuçiq gjatë tentimit të grusht shtetit, të cilin vitin e kaluar në Turqi tentoi ta kryejë organizata terroriste FETO.

Erdogan shprehu bindjen se vëllimi tregtar mes Turqisë dhe Serbisë deri në fund të këtij viti do të jetë një miliard dollarë, por këtë e vlerësoi si të pamjaftueshëm dhe tha se kjo shifër duhej të shkonte deri në tre miliardë dollarë.

Presidenti i Turqisë theksoi projektin e rëndësishëm të ndërtimit të autostradës mes Beogradit dhe Sarajevës.

Duke folur për projektin e Rrjedhës Turke ai shprehu pritjet për realizimin e saj edhe lidhur me pjesën që prek Serbinë, ndërsa përmendi se konsideron se mendim pozitiv për këtë çështje ka edhe presidenti rus Vladimir Putin.

Presidenti i Turqisë, duke kujtuar se sot mes dy vendeve janë nënshkruar 12 marrëveshje, njoftoi për nënshkrimin edhe të katër marrëveshjeve të tjera ditën e nesërme gjatë vizitës në Novi Pazar.