web counter
LEXO PA REKLAMA!

SHKARKO APP

App Store
Google Play

E fundit!

x

Kryetari i LDE, Arian Galdini: Platforma e Opozitës duhet të jetë rithemelimi i demokracisë

10 Tetor 2017, 08:09, Aktualitet CNA

Ditën e sotme, kryetari i LDE – Partia per Liri, Demokraci dhe Etike,  Arian Galdini, në një deklaratë për shtyp u shpreh se: “Qeveria Rama 2 po shpaloset qartë e më qartë çdo ditë se nuk ka më kontratë qeverisjeje me shqiptarët. Ajo që Kryeministri Rama e prezanton butaforikisht si bashkëqeverisje me qytetarët, u provua se nis nga zëvëndësqeverisja me klientelen, oligarkët dhe krimin.

Këta i kanë kthyer pushtetet në një ent shtetëror nën administrim privat  që detyron shqiptaret të firmosin kontratën në mënyrë të njeanshme, njëlloj siç bën Ujësjellësi dhe OSHEE. Termat e kontratës janë tjetërsuar. Institucionet janë në dispozicion të klienteles, oligarkëve dhe krimit ose në shtiblerje. Votat dhe zgjedhjet në 25 qershor ishin në shitblerje. Më keq rrezikojnë të bëhen. Liritë dhe të drejtat tona janë në shitblerje. E vetmja ekonomi që po lejohet është bujqësia e kanabisit dhe turizmi i plehrave. Sepse shumë shpejt Edi Rama do tu rikthehet plehrave. E ka kontratë me detyrim përcaktim me Mafian. Ndaj duhet të bëhemi gati për qëndresë të fortë dhe madhore që të mos e lejojmë plehrizimin e Shqipërisë nga Rama dhe Mafia.”

Me tej pedagogu Galdini vijon: ” Sipas Platformës Rama për kontroll, gjithçka tjetër është e palejuar, shtetëzuar e nën trysnine e administratës e taksidareve te shtetit dhe të gjobëvënësve me shkop bejzbolli  që  nga shtrati i krimit i shërben pushtetit. Mendimi kritik është shpallur sharlatan. Protesta civile është shpallur e rrezikshme dhe trushplarë. Qeverisja është shpallur e panevojshme ndaj i është dorëzuar 3 P-ve Partneritetit Publik Privat apo siç themi ne ndryshe Pakicave Politike Plackitëse dhe klienteles, oligarkëve dhe krimit. Kësisoj në këto kushte demokracia është katandisur në të drejtë të pakufizuar të qytetarëve për të dëgjuar 4 orë në ditë live në çdo TV Kryeministrin që flet, si edhe për të lexuar 8 orë në ditë në facebook e tëitter Kryeministrin që shkruan. Ndaj ne si LDE, jemi të përkushtuar që të bëjmë betejën tonë dhe përpjekjen tonë që Blloku ynë Opozitar dhe veçanërisht Aleati ynë kryesor Partia Demokratike, te nisim nje rrugetim e sfide te rithemelimit te demokracise. Kontrata demokratike mes politkës dhe qytetarit, është deformuar, tjetërsuar dhe prishur në këto 27 vite, e sidomos në këto vitet e fundit të Qeverisjes Rama. Ndaj ne duhet të riformulojmë, ribëjmë e rikthejmë kontratën mes qytetarit shqiptar dhe politikës, për ta rifuqizuar dhe ridinjitetëzuar plotësisht qytetarin, sikurse u kërkua në dhjetorin ’90, kur të gjithë shqiptarët kërkuan Liri, Demokraci dhe Europianizim. LDE ka një platformë politike të rithemelimit të demokracisë, të cilën më së pari do ta konsultojë me PD e paskëtaj me aleatë të tjerë në Koalicionin e Bllokun Opozitar. Nëse ne si Opozitë nuk nisim një udhë të re me nje alternative e platform të qartë politike për rithemelimin e demokracisë, është e kotë të qëndrojmë si fasade në Kuvendin dhe rutinat demokratike të dala nga kanabiszgjedhjet e 2017.”/ CityNews





Lajmet e fundit nga