web counter
LEXO PA REKLAMA!

SHKARKO APP

App Store
Google Play

E fundit!

x

Luli mes dy zjarreve/ Pse Basha nuk debaton me Ramën për krimin

6 Tetor 2017, 11:18, Aktualitet CNA

Dje në parlament kryetari demokrat Lulzim Basha inskenoi një përplasje me kryeparlamentarin Gramoz Ruçi, me qëllim që të dënohej dhe të ngrinte një frymë mbështetëse tek militantët dhe baza e Partisë Demokratike.

Lulzim Basha e ka humbur bazën e Partisë Demokratike dhe ai është i vetëdijshëm për këtë, e pa në zgjedhjet e 25 qershorit përballë Ramës, e pa në 22 korrik kur nuk e votuan më shumë se 10-15 mijë demokratë. Ai e di situatën në çdo degë të Shqipërisë, është i bindur që ka humbur mbështetjen dhe Partia Demokratike po lëngon me të në drejtim.

Për të rikthyer mbështetjen pas skandaleve me marrëveshjen që nënshkroi me Edi Ramën, listën e turpshme të deputetëve ku gjysmën e shiti, manipulimi dhe falsifikimi i rezultatit në garën brenda PD-së, Lulzim Basha dje tentoi të hyjë në një kauzë në parlament, për zgjedhje të lira, debat i cili pritet të zhvillohet javën e ardhshme.

Me kokëfortësi, arrogancë si një adoleshent politik këmbënguli në të tijën, pas 7 orësh iku me turp, i futi një të qeshur dhe gjithçka u mbyll.

Basha është mes dy zjarreve, marrëveshjes me Edi Ramën, të cilën i duhet ta respektojë dhe humbjes së besimit dhe goditjeve që po i vijnë nga kundërshtarët e tij brenda partisë.

Për këtë të fundit, ai zgjodhi të bëntë dje një shoë, të përplasej me Gramoz Ruçin për një debat për reformën zgjedhore.

Kështu ai do akuzonte duke përdorur raportin e OSBE-së apo dokumenta të tjerë, sërish pa nxjerrë asnjë provë. Sot po kalojnë rreth 4 muaj dhe Lulzim Basha nuk ka nxjerrë asnjë dokument apo filmim për manipulimin e zgjedhjeve dhe raporti i OSBE-së që ai përdor thekson se problemtaika në zgjedhje nuk do ta ndryshonte rezultatin.

Pra në përfundim Lulzim Basha është i humbur.

Basha kërkon debat për zgjedhjet dhe do ta zhvillojë javën e ardhshme, por në kohën kur bandat dhe krimi kanë pushtuar vendin, kryetari i opozitës ka frikë ta therrasë kryeministrin në interpelancë, ai i druhet Ramës, ai duhet të respektojë marrëveshjen me Edi Ramën, ai nuk ka hallin e zgjedhjeve dhe shqiptarëve, por ka hallin e tij.

I ndodhur mes dy zjarreve gjen zgjidhje viktimizimi, Lulzim Basha nuk përballet me debat të fortë për krimin me kryeministrin, ndërkohë që faktet janë me zë dhe figurë dhe shihen çdo ditë. Ai kërkon të justifikojë dështimin e tij me një debat për zgjedhjet, për të shpëtuar nga turpi që ka mbuluar përpara demokratët.

E këtë turp kërkon ta shlyejë me një debat, me viktimizim dhe duke ju larguar të vërtetave. Ai do të ruajë marrëveshjen me Edi Ramën, por dhe të bëhët i besueshëm me demokratët.

Prandaj nuk debaton dhe nuk e kryqëzon Edi Ramën për krimin, por shkon e përplaset me Gramozin, ngujohet 7 orë në Parlament dhe del duke buzëqeshur. Në fakt s?kemi çfarë presim më shumë, ky është Lulzim Basha i vërtetë./ Shkruar për CityNews.al nga Elvi FUNDO





Lajmet e fundit nga