web counter
LEXO PA REKLAMA!

SHKARKO APP

App Store
Google Play

Hetimi ndaj deputetit të PDIU-së/ Rakipi: Ja për çfarë më akuzon PD-ja

6 Tetor 2017, 10:03, Aktualitet CNA

Në një intervistë për gazetën ?Shekulli?, deputeti i PDIU-së, Aqif Rakipi, ka reaguar ndaj akuzave të Partisë Demokratike, duke mohuar  të ketë probleme me drejtësinë italiane.

PD dy ditë më parë iu drejtua prokurorisë për të hetuar mbi deputetin Rakipi dhe kolegun e tij socialist Gjetani, me pretendimin se janë subjekt i ligjit për dekriminalizimin.

Partia Demokratike ngre dyshime në lidhje me deputetin Aqif Rakipi, pasi sipas saj ka probleme me drejtësinë italiane.

Ndërsa deputeti Rakipi është shprehur se akuza e PD-së është politike dhe nuk ka bazë vërtetësie.

Në këtë kuadër, Rakipi shprehet se vetë shteti italian ka kthyer përgjigje zyrtare dhe sipas tij e gjitha është një lojë e radhës nga ana e Partisë Demokratike. Rakipi shprehet se nëse do të kishte probleme me ligjin e dekriminalizimit ai do të ishte larguar nga politika.

Deputeti Rakipi thotë se akuzat ndaj tij, i lidh me faktin e shumë votave që ka arritur të marrë në qarkun e Elbasanit. Ai flet edhe për miqësinë me Ramën dhe bashkëpunimin e dy partive në këtë legjislaturë. Rakipi shprehet se nuk bën pjesë tek deputetët që servilosen, ndërsa shprehet se kryeministri Rama duhet të përmbush premtimet që ka bërë gjatë fushatës.

?Unë nuk kam probleme në asnjë shtet. PD-ja nuk ka çfarë të gjejë. Ashtu siç rezultoi një herë, sërish e njëjta gjë do të ndodh. E kam shprehur këtë dhe është vërtetuar nga letrat që i kanë ardhur prokurorisë kohë më parë kur u ngritën akuza ndaj meje. Kjo është një çështje e mbyllur.?- tha ndër tjera deputeti Rakipi./ CityNews





Lajmet e fundit nga