web counter
LEXO PA REKLAMA!

SHKARKO APP

App Store
Google Play

E fundit!

x

HISTORIA/ Beratasi me 4 gra, 30-vjeçarja: Si më tradhtoi burri, të dashurën e gjeta në banesë. Më tha ‘ik, do…

6 Tetor 2017, 09:58, Aktualitet CNA

Një ngjarje e pazakontë ka ndodhur në një fshat të Urës Vajgurore. Një 30-vjeçare, nënë e një fëmije të mitur, ka shkuar te prindërit e saj në Dibër për një gëzim familjar, por kur është kthyer në banesën e bashkëjetuesit të saj ka zbuluar tradhtinë e këtij të fundit. Jo vetëm kaq, por ajo është përballur me një femër tjetër, e cila i është prezantuar si nusja e burrit që dashuronte. T. Rama ka mësuar se i shoqi, me të cilin jetonte prej 5 vitesh (nuk kishin bërë celebrim), gjatë kohës që ndodhej emigrant në Greqi, ishte dashuruar me një vajzë nga një fshat i Beratit, Anduela R. Mësohet se kjo ishte zgjedhja më e fundit e Reli H. Kjo për faktin se 31-vjeçari ka pasur lidhje edhe me 3 femra të tjera, ku me të dytën ka pasur edhe celebrim dhe ishin prindër të dy fëmijëve. Pas përballjes, H. i ka kërkuar nënës së fëmijës së tij që të largohej nga banesa dhe të kthehej te prindërit e saj, pasi ai nuk ndjente më për të dhe do e lidhte jetën me Anduelën. Tejet e tronditur, e reja me origjinë nga Dibra ka bërë denoncim në polici. Ajo ka treguar me detaje të gjithë ngjarjen. Pas kallëzimit, policia mori në pyetje 31-vjeçarin dhe familjarët e tij, si dhe Anduela R. ?Më datë 27.09.2017, u plotësua kërkesë-padia për lëshimin e urdhrit të mbrojtjes të menjëhershëm, për shtetasen T.R., 30 vjeçe, pasi dyshohet se bashkëjetuesi R.H., 31 vjeç, ka ushtruar dhunë psikologjike ndaj saj. Materialet u referuan në Gjykatën e Rrethit Gjyqësorë Berat. Ligji nr. 9669, datë 18.12.2006, ?Për masa ndaj dhunës në marrëdhëniet familjare??, thuhet në njoftimin zyrtar të Policisë së Beratit.

Historia
Pesë vite më parë, T. Rama ishte njohur me shkuesi me Reli H. dhe tani janë prindër të një djali 3 vjeç e gjysmë. Përgjatë kësaj kohe ata kanë jetuar në banesën e 31-vjeçarit, së bashku me njërin prej dy fëmijëve që ai kishte me gruan e dytë. Mësohet se me të fejuarën e parë ai ishte ndarë, pasi nëna e vajzës nuk e kishte lejuar që H. të mos e dërgonte atë në shkollë. Ndërsa me gruan e dytë, me të cilën ka dy fëmijë, është divorcuar pasi sipas tij nuk kishin përputhje karakteresh. Duket se po për të njëjtën arsye, 31-vjeçari është duke u ndarë edhe me bashkëjetuesen e tretë, 30-vjeçaren me origjinë nga Dibra. 7 muaj më parë, Reli H. kishte shkuar për të punuar në Greqi dhe pasi ishte kthyer në banesën e tij, pretendonte se i kishte kërkuar nënës së fëmijës së tij që të largohej nga banesa, pasi lidhja e tyre nuk funksiononte dhe se kishte gjetur dikë tjetër në Greqi, të cilën ai e quante ?dashuri të vërtetë?.

Dëshmitë
30-vjeçarja ka treguar para uniformave blu se nuk do që të ndahet nga bashkëjetuesi i saj, për shkak se nuk do që i biri të rritet pa babain pranë. Për këtë arsye, e reja nuk u ka treguar asgjë prindërve të saj dhe se në asnjë moment nuk është larguar nga banesa e 31-vjeçarit. Ajo ka rrëfyer më tej, se ka 5 vite që jeton me Relin, por nuk kishte bërë celebrim për shkak se ai nuk kishte mbaruar ende procedurat e divorcit të parë (të cilin e ka mbyllur vitin e shkuar). T. Rama ka shpjeguar se kishte shkuar te prindërit e saj për një gëzim familjar dhe kur ishte kthyer në fshatin Drenovicë të Urës Vajgurore, kishte parë se në banesë ndodhej një grua e panjohur. Pasi i ka treguar se kush ishte, ka pyetur vjehrrën se kush ishte kjo femër, ndërsa ajo i ka thënë se duhej të pushonte dhe të mos e pyeste më. Më vonë ka marrë vesh se vajza që ndodhej në banesë ishte sjellë nga Reli dhe e kishte prezantuar si gruan e tij të ardhshme. Ndërkaq, Reli H. ka shpjeguar se gjatë kohës që ka qenë emigrant në Greqi, në një lokal ishte njohur me Anduela R., e cila kishte qenë me pushime, dhe prej 4 muajsh kishin jetuar bashkë. ?Me T. nuk kam pasur asnjëherë marrëdhënie të mira, pasi nuk ndjej për të. Kur jam kthyer nga Greqia, i kam thënë se kam një person tjetër dhe duhej të ndaheshim pasi nuk kemi përputhje karakteri?, ? ka pohuar 31-vjeçari.

Nga ana tjetër, Anduela R. ka treguar se ishte njohur me Relin 4 muaj më parë dhe se ai i kishte thënë se bashkëjetonte në Shqipëri me një vajzë që nuk e donte dhe se që nga ai moment do të jetonin së bashku. Anduela ka rrëfyer se nga Greqia ishte kthyer më datë 26 shtator dhe se Reli kishte dalë ta priste. Ai e kishte marrë me vete në shtëpinë e tij dhe e kishte prezantuar me prindërit, duke u thënë se do të ishte gruaja e tij e ardhshme. ?Reli më tha se ishte ndarë nga bashkëjetuesja?, ? ka thënë Anduela në polici, ndërsa që prej datës 27 shtator, ajo së bashku me 31-vjeçarin janë larguar nga banesa e këtij të fundit dhe kanë shkuar në fshatin Moravë, ku jeton familja e saj./CityNews





Lajmet e fundit nga