E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Kush e nxori videon hetimore të Elbasanit?

1 Tetor 2017, 19:47, Aktualitet CNA

Situata në Elbasan sa vjen e tensionohet, ndërkohë mediat nxorën për publikun videot nga përplasja e makinës së Nëndrejtorit të policisë Gjergj Oshafi, nga një makinë e blinduar tip ‘Audi’ në pronësi të biznesmenit Petrit Çela, i akuzuar si person i afërt me kryebashkiakut Qazim Sejdini.

Por ajo që ende mbetet e paqartë, ka të bëjë me faktin se kush e dekonspiroi hetimin dhe nxori videot nga vendi i ngjarjes?

Ndërkohë që videoja e parë e prej 1 minutë e 46 sekonda u publikua në emisionin ‘Opinion’ të gazetarit Blendi Fevziu, ka qenë ‘Sosnews.al’ që nxori videon tjetër të gjatë afërsisht 34 minuta.

Por përse prokuroria veproi me dy standarde? Pse afërsisht pra një viti, ku gazetari Artan Hoxha publikoi informacione nga rrëzimi i avionit me pilot italianin Guido Guidi në Ishëm të Durrësit, i?u morën telefonat të cilët vijojnë të jenë në prokurori, si dhe vetë gazetari u mor në pyetje deri në orët e para të mëngjesit, ndërsa për rastin në fjalë nuk u sekuestruan as telefonët e as nuk u mor njeri në prokurori?

Ky është rasti i dytë i dekonspirimit të hetimeve të prokurorisë brenda një harku kohor të një viti.

Me avionin e Ishmit, u përfol se ministri Tahiri ishte dekonspiruesi, si dhe telefonat e gazetarit Hoxha vijojnë të qëndrojnë në Prokurori dhe çështja vijon të mbetet e pazbardhur edhe sot në momentin që flasim.

Rastet janë të ngjashme, por ndonëse atëherë Prokuroria dyshonte mbi policinë si dekonspiruese të hetimeve, tashmë mund të jetë ajo vetë dekonspiruesja, dhe kësisoj hetimet ndaj dekonspiruesit të mundshëm kanë mbetur në vendnumro.

Ndërsa sot për dekonspirimin dhe nxjerrjen e videos s’ka asnjë hetim. Mos është vallë vetë prokuroria që i nxjerr këto? Pasi në këtë rast policisë nuk i interesonte publikimi i pamjeve.

Mos vallë është vetë Adriatik Llalla apo vartësit e tij ata që kanë nxjerrë filmimet, që në fakt janë pjesë e hetimit dhe publikimi i tyre është vepër penale? /CityNews