web counter
LEXO PA REKLAMA!

SHKARKO APP

App Store
Google Play

E fundit!

x

Shpenzoi 60 milionë lekë për tekat e të dashurës virtuale / Policia ngre tjetër hipotezë

1 Tetor 2017, 17:11, Aktualitet CNA

Ndërkohë që 27-vjeçarja Enertila Beqja, është lënë në burg nga gjykata, Policia ka hedhur një tjetër hipotezë rreth hetimeve mbi sasinë e parave të marra nga drejtori i Postës, Barush Ahmeti.

Policia shprehet se pas dëshmisë së Barush Ahmetit, se 27-vjeçarja Beqja, i ka zhvatur atij mbi 60 milionë lekë për rroba, restaurime dhe mobilime të shtëpisë, mund të fshihet diçka tjetër. Këto dyshime ngrihen për shkak se vlera e deklaruar , apo mbi 60 milionë lekë, janë shumë para krahasuar me rrobat e blera.

Ekspertët shprehen dyshues nëse ai ka harxhuar kaq shumë para për dhurata ndaj të dashurës, apo dëshiron të arsyetojë parat e shpenzuara, para vëllezërve emigrantë.

?Nuk mendojmë se ai ka shpenzuar gjithë këtë shumë për dhurata dhe pagesa faturash për vajzën. Ne po bëjmë një mbledhje të shumës së përgjithshme, por vlera e pretenduar nga denoncuesi është jashtë logjike. Kemi dyshime se ai e ka nxjerrë si justifikim ketë, për të mbuluar diçka tjetër. Ndoshta kërkon të justifikojë lekët te vëllezërit dhe familja e tij, ndaj jemi shumë me dyshime në lidhje me këtë ngjarje. Mbase paratë i ka shpenzuar diku tjetër, me baste a gjëra të tilla, dhe kërkon t?i justifikojë me dhuratat që i ka blerë të dashurës. Kjo ngjarje do të hetohet me imtësi, pasi pretendimet e palëve janë kontradiktore në lidhje me shumën e supozuar 60 milionë lekë?, – janë shprehur ekspertët e Policisë.

Të njëjtat burime shprehen, se në sendet e bllokuara nuk ka asgjë të kushtueshme.

Nga ana tjetër, rrobat e blera rezultojnë në të shumtën e rasteve mall tregu.





Lajmet e fundit nga