web counter
LEXO PA REKLAMA!

SHKARKO APP

App Store
Google Play

E fundit!

x

ZGJIDHJA/ Rilindja është e pabesë, importi i plehrave të ndalohet me kushtetutë

20 Shtator 2017, 18:31, Aktualitet CNA

ZGJIDHJA kërkoi sot që importi i mbetjeve nga jashtë të ndalohet me kushtetutë, sepse Rilindja është e pabesë. Duke komentuar vendimin e shumicës në Kuvend që u tërhoq nga rikthimi i projektligjit të refuzuar nga ish-presidenti Nishani, partia e drejtuar nga Koço Kokëdhima deklaroi se vetëm kjo do t?i japë garancinë përfundimtare shqiptarëve se politikanët e paskrupullt nuk do të luajnë me jetën e popullit dhe fatet ekologjike të vendit, siç e duan interesat e tyre të ngushta dhe fitimet përrallore që nxjerr ekomafia.

Postimi në Facebook:

Nën presionin e opinionit publik dhe të partive radikalisht kundër importit të mbetjeve si ZGJIDHJA, Rilindja duket se u dorëzua më në fund. Ajo është e gatshme që të tërhiqet nga iniciativa e turpshme e importit të plehrave në Shqipëri. Ne jemi të bindur se Rilindja po bën një tërheqie taktike e të pasinqertë vetëm për të vënë në gjumë opinionin publik dhe për të fituar kohë. Ujku qimen e ndërron, por zakonin s?e harron. Rilindja do përpiqet sërish të gjejë ndonjë shteg për importin e plehrave. Prandaj ZGJIDHJA kërkon që importi i plehrave të ndalohet me kushtetutë. Vetëm kjo do t?i japë garancinë përfundimtare shqiptarëve se politikanët e paskrupullt nuk do të luajnë me jetën e popullit dhe fatet ekologjike të vendit, siç e duan interesat e tyre të ngushta dhe fitimet përrallore që nxjerr ekomafia!

 





Lajmet e fundit nga