web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria “parajsa" e drogës/ Ofron çmimet më të ulëta në Rajon/ Ja arsyet

18 Shtator 2017, 09:27, Aktualitet CNA

Shqipëria rezulton të jetë vendi që ofron çmimet më të ulëta në rajon për sa i përket drogave të tilla si hashashi dhe kokaina, ndërsa ka nivelin më të lartë të përdoruesve. E dhena është pjesë e raportimit të Zyrës së Kombeve të Bashkuara për Drogën dhe Krimet, e sjellë për publikun nga ?Monitor?.

Lidhur me shkaqet,  pjesa më e madhe e ekspertëve raporton se kjo vjen për disa arsye:

Së pari, konsiderohemi vend origjine për kanabisin dhe vend transit për kokainën. Pjesa më e madhe e drogës synon që të kalojë në Europë, por një sasi mbetet në vend, duke rritur kështu ofertën dhe duke ulur çmimin.

Së dyti, fuqia blerëse në Shqipëri është e ulët dhe përdoruesit nuk kanë mundësi që të blejnë drogë të shtrenjtë. Ky faktor sipas ekspertëve ka sjellë edhe cilësinë shumë të dobët që qarkullon në vend.

Sipas të dhënave të UNODC, ku mund të gjenden të dhënat e krahasueshme për të gjithë vendet e Rajonit, për çdo individ që ka provuar së paku njëherë gjatë jetës kokainë në  Serbi ka 25 individë në Shqipëri. Përsa i përket kanabisit, renditemi të dytët pas Kroacisë për përdorimin gjatë jetës.

Ndërkohë, çmimet e ulëta rrezikojnë që ta kthejnë Shqipërinë në një destinacion për drogat e lira.

Sipas raportit botëror për përdorimin e drogave, çmimet në tregun e zi të substancave ilegale janë shumë më të ulëta se mesatarja e rajonit, veçanërisht për kokainën. Të dhënat e UNODC, thonë se çmimi për një gramë kokainë në Shqipëri kushton mesatarisht 80 dollarë, ndërkohë që mesatarja e rajonit përllogaritet rreth 100 USD dhe një gramë marijuanë  vetëm 5 USD, ndërkohë që e njëjta sasi blihet në Malin e Zi për 26 dollarë.





Lajmet e fundit nga