web counter
LEXO PA REKLAMA!

SHKARKO APP

App Store
Google Play

E fundit!

x

Mësoni çfarë do ti ofrojë FBI Policisë Speciale shqiptare

18 Shtator 2017, 08:17, Aktualitet CNA

Qeveria Rama dhe Shtetet e Bashkuara të Amerikës kanë nisur punën për të ngritur Byronë Kombëtare të Hetimit. Duke qenë se ky organ do funksionojë si një Polici Speciale, ministri i Brendshëm, Fatmir Xhafaj, ka nisur angazhimet duke përgatitur efektivët që të jenë pjesë e tij. Gjatë fjalës së tij në seancën e fundit plenare në Kuvend, Ministri paralajmëroi se BKH do ngrihet shumë shpejt, ndërsa deklaroi se i është kërkuar zyrtarisht  asistencë FBI për ngritjen e këtij organi.

Nga ana tjetër, sipas raportimit të gazeta ?sot?, mbështetur në të dhena të Ministrisë së Brendshme rezulton se ndihma e FBI për Policinë Speciale shqiptare konsiston në ngritjen e saj në nivelin e homologes amerikane.

Gjithçka do të realizohet mbi bazën e një marrëveshje të arritur mes SHBA dhe Shqipërisë, njoftonte ?sot?, duke publikuar se marrëveshja e miratuar në Kuvend më 22.12.2016.

Zbatimi i kësaj marrëveshje ka filluar prej disa ditësh. Konkretisht ndihma synon forcimin e kapaciteteve policore, por sikurse lihet të nënkuptohet nga marrëveshja  përmes saj SHBA do të marrë në dorë Byronë shqiptare të Hetimit, fokusi kryesor i të cilës, referuar gjithmonë marrëveshjes zyrtare, wshtw lufta ndaj korrupsionit.

Trajnime do të kryhen me prokurorët dhe gjyqtarët që merren me luftën ndaj korrupsionit. Futja në funksionim e teknologjisë bashkëkohore gjurrmuese do të jetë një tjetër prioritet. Trajnimi do fokusohet kryesisht tek përgjimet dhe gjurmimi i parave të pista.

?Programi për zhvillimin e Sektorit te Drejtësisë penale (SDP) do të sigurojë asistence për institucionet kryesore të drejtësisë penale të Shqipërisë, zyrtarët e anti-korrupsionit dhe agjencitë mbështetëse për të forcuar kapacitetin e Shqipërisë për të luftuar të gjitha format e krimit, në veçanti duke u fokusuar në përmirësimin e efektivitetit dhe cilësisë së procedimeve penale dhe forcimin institucional në këtë kuadër.

Pesë janë fushat kryesore të asistencës:

Rritja e kapaciteteve në luftën ndaj korrupsionit dhe krimit të organizuar.

Dhenia e asistencës në zhvillimin e drejtësisë penale dhe përmirësimin e legjislacionit. Dhenia e ndihmës që gjyqet ndaj zyrtarëve të korruptuar të mbyllen sa më shpejt dhe të mos ketë më zvarritje.

Dhenia e asistencës për të rritur aksesin e qytetarëve në drejtësi, dhe së pesti do jepet ndihmë në realizimin e vetingut.

Një tjetër element i rëndësishëm është ofrimi nga SHBA i tre milionë dollarëve, me qëllim që të nisë sa më shpejt realizimi i reformës në drejtësi. Por në marrëveshje theksohet se gjithçka do bëhet në koordinim dhe me Komisionin Evropian, se fondet dhe detajet e saj mund të ndryshojnë me kalimin e kohës, se përfaqësuesit e palëve do takohen dy herë në vit për të rishikuar progresin ndaj arritjes së  objektivave të projektit. /CityNews





Lajmet e fundit nga