web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive –Ndryshimet në kodin zgjedhor / PD nuk ka propozuar sistem mazhoritar

18 Shtator 2017, 09:44, Aktualitet CNA

Prej dy ditësh mediat raportojnë se Partia Demoktarike do të paraqesë sot në parlament kërkesën për ngritjen e komisionit Ad ?hoc  për reformën zgjedhore.

Mediat raportojnë se bashkë me këtë propozim Partia Demokratik,e ka çuar në Kuvend një draft të saj i cili flet për një sistem të ri zgjedhor dhe kalimin nga proporcional në mazhoritar.

Citynews.al kontaktoi me drejtues të lartë të Partisë Demokratike të cilët sqaruan se PD nuk ka bërë asnjë propozim për ndryshimin e sistemit zgjedhor, i njejti burim theksoi se ndryshimi i sistemit i përket një debati politik shumë të gjerë dhe e kapercen hapin e tanishëm për reformën zgjedhore.

Burimet zyrtare nga PD sqaruan se kjo force politike ka dorëzuar propozimet e saj për ndryshimet në Kodin Zgjedhor që në vitin 2016.

Janë këto propozime si dhe raportet e OSBE/ODHIR të vitit 2013, 2015 si dhe raporti i fundit që pritet të dalë për zgjedhjet e vitit 2017 të cilat do të jenë shtyllat kryesore të diskutimeve dhe propozimeve që do të shtjellojë komisioni që pritet të ngrihet me propozimin e opozitës.

Këto janë pikat që opozita do të shtrojë, ndërsa për çështjen e sistemit Partia Demokratike kërkon uljen e numrit të mandateve të deputetëve, por kjo nuk do të thotë ndryshim sistemi, sqaroi nje burim zyrtar i PD për citynews.al





Lajmet e fundit nga