web counter
LEXO PA REKLAMA!

SHKARKO APP

App Store
Google Play

Mjaft me “Tokë e Xanun”/ Bashkia e Malësisë së Madhe i ‘vë vulën’ incidentit

16 Shtator 2017, 13:42, Aktualitet CNA

Prishja e kullës së heroit Prekë Cali në Malësinë e Madhe është kthyer në një objekt diskutimi të ashpër prej ditës së djeshme.

Ndër reagimet kundër ka patur edhe nga ata që e kanë lidhur politikisht ngjarjen duke thënë se qeveria e prishi kullën pasi i përkiste një simboli të antikomunizmit siç ishte Prekë Cali.

Por Bashkia e Malësisë së Madhe e drejtuar nga të majtët ka dhënë një sqarim krejt ndryshe.

Ata bëjnë apel që prishja e kullës të mos përdoret politikisht.

Deklarata e Bashkisë së Malësisë së Madhe

Politizimi i prishjes së një ndërtimi pa leje është për të ardhur keq.

Askush nuk mund të ndërtojë pa leje, qoftë në emer të të gjallëve apo qoftë të të vdekurve me emer.

Bashkia nuk ka pasur asnjë kërkesë për këtë ndërtim, që do të kishte qenë mëse e gatshme ta shqyrtonte e ta mbështeste.

Kjo vlente për dje, kjo vlen për sot, kjo vlen për nesër. Cilido që kërkon të investojë privatisht për të nderuar historinë, traditat, figurat e Malësisë së Madhe e ka derën e hapur.

Por askush nuk mund të përdorë historinë, traditat, figurat tona me filozofinë e dalë boje të tokës së xanun.

Kjo është e vërteta, të tjerat janë lojra e tymnaja politike nën nivelin e bisedës ku përfshihen malësorët.  /Citynews





Lajmet e fundit nga