web counter
LEXO PA REKLAMA!

SHKARKO APP

App Store
Google Play

E fundit!

x

Fshesa mbi administratën/ Kjo është strategjia Rama 2

16 Shtator 2017, 11:01, Aktualitet CNA

Dhenia e votëbesimit kabinetit qeverisës Rama 2 i ka hapur dritën jeshile kësaj të fundit të nisë menjëherë procesin për çlirimin e administratës zyrtare nga militantët dhe të paaftët profesional të gjendur më së shumti ndër rradhët e LSI-stave.

Lidhur me këtë proces spastrimi, gazeta ?Sot? ka publikuar strategjinë e Qeverisë Rama 2 për të lehtësuar dhe bërë më fleksibël administratën.

Kështu sipas ?Sot?, aktualisht, largimet nga detyrat dhe postet politike kanë nisur në Korçë, Berat, Pogradec, Skrapar, Përmet, Ersekë etj., por edhe në Tiranë, ku gjatë dy ditëve të fundit ka patur largime. Kontigjenti i tyre i përket rangut të drejtorëve, nëndrejtorëve, inspektorëve etj., punonjësve, të cilët, megjithse kanë nënshkruar kontrata pune të rregullta janë të detyruar të lënë detyrat.

Për të eliminuar ankimimin dhe shpënien e çështjeve në gjykata qeveria ka zgjedhur të aplikojë strategjinë me disa opsione.

Më së pari bindjen e zyrtarëve për të nënshkruara aktmarrëveshje për dorëheqjen nga detyra, gjë që nëse nuk ndodh do t?ia lerë vendin auditimit të punës së gjithësecilit, që nëse rezulton me shkelje do sjellë paditjen.

Testimi i aftësive profesionale do të jetë një tjetër rrugë që do të aplikohet për lehtësimin e administratës. Burimet e ?Sot? flasin për kërkesë dorëheqjeje që u është kërkuar të gjithë nënkryetarëve të këshillave bashkiake dhe atyre të bashkive që janë pjesë e LSI-së. Deri më tani ata e kanë kundërshtuar një veprim të tillë, gjë që do të sjellë nisjen e procedurave për shkarkimin e tyre.

Sektori i shëndetësisë do të jetë i pari që do ti nënshtrohet procesit të testimit i cili do të vijoj më pas me administratën e ALUIZN-it, atë të hipotekave dhe drejtorive arsimore./CityNews





Lajmet e fundit nga