web counter
LEXO PA REKLAMA!

SHKARKO APP

App Store
Google Play

Itali/ Karabinierët kapin një arsenal me armë të ardhura nga Shqipëria

14 Shtator 2017, 08:04, Aktualitet CNA

Karabinierët e qytezës së Kastelamare di Stabias (Castellammare di Stabia) zbuluan të fshehur në një fermë një arsenal armësh të ardhura nga Shqipëria.

Armët e kapura janë: 6 pistoleta gjysëm automatike me numër serie të fshirë, ndër këto pistoleta bien në sy dy të markës Tokarev kalibër 7, 62mm njëra prodhim kinez dhe tjetra prodhim i fabrikës jugosllave të ?Cervena Zastavas?, 2 revolverë, 8 karikatorë kallashnikovi të mbushura me fishekë, 514 fishekë të kalibrave të ndryshëm pistolete dhe kalibër 7,62X39 mm si edhe 1 kallashnikov kopje kineze mod 56 dhe një pushkë sulmi  me qytë metalike të palosshme, prodhim cekosllovak e markës  Vz 58 (varianti Vysadkovi).

Kjo armë ka të njejtin kalibër 7,62X39 mm si dhe ngjan mjaft me kallashnikovin, por kemi të bëjmë me dy armë të ndryshme pjesët përbërse, të të cilave nuk janë të njejta. U kapën edhe 840 gramë hashash si edhe 3 radio marrëse/dhënëse (Walkie-talkie).

Një zbulim i tillë provon që nga Shqipëri në Itali nuk shkojnë vetëm tonellata me ?bar?, por edhe kuintalë me droga të Klasit A si edhe armë, municione e lëndë plasëse. Të tilla armatime në kushtet e rrezikut të shtuar terrorist në Italinë fqinje shndërrohen në një telash të jashtëzakonshëm për agjensitë ligjzbatuese italiane./Nga Gjergj THANASI





Lajmet e fundit nga