web counter
LEXO PA REKLAMA!

SHKARKO APP

App Store
Google Play

E fundit!

x

Partia Socialiste zgjedh nënkryetaren e Kuvendit

14 Shtator 2017, 07:57, Aktualitet CNA

Ditën e sotme është mbledhur grupi parlamentar i Partisë Socialiste. Gjatë mbledhjes është përcaktuar edhe nënkryetarja e Kuvendit. Këtë post do ta mbajë deputetja e PS-së,Vasilika Hysi.

Mirëpo kush është Vasilika Hysi?

Vasilika Hysi është deputete në Kuvendin e Shqipërisë, për qarkun e Tiranës, Kryetare e Komisionit të të Çështjeve Ligjore, Administratës Publike dhe të Drejtave të Njeriut, Kryetare e Nënkomisionit për të Drejtat e Njeriut.

Ka titullin akademik ?Profesor?.

Znj. Hysi ka lindur me 1963, në Tiranë, e martuar, me një fëmijë. Veprimtaria mësimore dhe shkencore. Studimet e larta i ka kryer në Universitetin e Tiranës, Fakulteti i Shkencave Politike ?Juridike, në vitin 1985 është diplomuar në degën Drejtësi me rezultate të shkëlqyera.

Prej vitit 1985 deri në vitin 2009, ka qënë pedagoge me kohë të plotë në Fakultetin e Drejtësisë Universiteti i Tiranës. Gjatë periudhës 1993-2008 ka qenë e zgjedhur më detyra të ndryshme drejtuese administrative si përgjegjese e departamentit të së drejtës penale, dekane e Fakultetit të Drejtësisë.

Gjatë periudhës 1998-2009, krahas detyrave administrative ka qënë e zgjedhur në strukturat drejtuese shkencore të ndryshme në Fakultetin e Drejtësisë dhe në Universitetin e Tiranës.

Ka kryer kualifikime dhe specializime në SHBA, Itali, Francë, Gjermani, Hollandë etj., për profesionet ligjore dhe mësimdhënien, në fushën penale, sistemin e drejtësisë penale për të mitur, kriminologji, krimin e organizuar, viktiminologji, të drejtat e njeriut, hartimin e politikave penale, etj.

Krahas aktivitetit shkencor dhe akademik brenda dhe jashtë vendit, ka një veprimtari aktive në mbrojtje të të drejtave të njeriut, brenda dhe jashtë vendit.

Gjatë periudhës Qershor 2000- Maj 2009 ka qënë drejtore ekzekutive e Komitetit Shqiptar të Helsinkit dhe për më shumë se 5 vjet ka qënë anëtare e Bordit e Federatës Ndërkombëtare të Helsinkit.

Prej vitit 2002 është anëtare e Komisionit Evropian kundër Diskriminimit dhe Intolerencës (ECRI), Strasbourg, Francë. Gjatë periudhës 2009-2011 ka qënë e zgjedhur si Nënkryetare e këtij komisioni.

Prej vitit 2009 është zgjedhur Deputete në Kuvendin e Shqipërisë, në Qarkun e Tiranës. Është kryetare e Komisionit të Çështjeve Ligjore, Administratës Publike dhe të Drejtave të Njeriut, Kryetare e Nënkomisionit për të Drejtat e Njeriut në Kuvendin e Shqipërisë dhe nënkryetare e Grupi Parlamentar të Partisë Socialiste. /CityNews





Lajmet e fundit nga