web counter
LEXO PA REKLAMA!

SHKARKO APP

App Store
Google Play

Plagosja te Pazari i Ri/ Kush është biznesmeni që u qëllua me disa plumba

11 Shtator 2017, 20:17, Aktualitet CNA

Pak çaste pas plagosjes me armë zjarri në kryeqytet në zonën pranë Pazarit të Ri, policia ka bërë me dije detajet mbi ngjarjen e rëndë.

Sipas informacioneve i plagosur ka mbetur biznesmeni P. Gj. i cili është edhe pronar i një hoteli në kryeqytet.

Ai u qëllua nga 40-vjeçari K.M i cili kishte zbritur nga një automjet me ngjyrë të zezë për të qëlluar disa herë mbi Gjokën duke e lënë të plagosur.

Pak momente më vonë autori është arrestuar nga policia.

NJOFTIMI I POLICISE
Më datë 11.09.2017, rreth orës 21 :00 në numrin e Emergjencave 112, ka ardhur telefonatë për plagosje me armë zjarri tek ?Pazari i Ri?. Në vendngjarje kanë mbërritur shërbimet e policisë dhe ambulanca, ku nga hetimet paraprake ka rezultuar se:

Shtetasi P.Gj., pas një konflikti është qëlluar në pjesën e këmbës me armë zjarri nga shtetasi K.M., 40 vjeç, banues në Tiranë.
Shtetasi i dëmtuar është transportuar në spital dhe është jashtë rrezikut për jetën. Autori i plagosjes, shtetasi K.M., 40 vjeç është arrestuar nga policia dhe është shoqëruar në ambientet e policisë për veprime të mëtejshme. Po punohet për zbardhjen e motiveve dhe rrethanave të ngjarjes.

/Citynews





Lajmet e fundit nga