web counter
LEXO PA REKLAMA!

SHKARKO APP

App Store
Google Play

E fundit!

x

Luli ka mbetur vetëm

10 Shtator 2017, 20:45, Aktualitet CNA

Nga ARTUR  AJAZI

Lulit nuk ka kush ti flasë, Lulit nuk ka kush ti japë më këshilla, Lulit nuk ka kush ti ofrojë as shoqëri më në PD, madje as Doktori. Ai ka mbetur krejt i vetëm, dhe kjo u vërtetua turpshëm ditën e parë të çeljes së punimeve të Kuvendit të ri. Luli po përjeton ?Vjeshtën e vetmisë së madhe?, e cila do të pasohet edhe  nga ?Dimri vetmisë madhe?, nga ku ai pritet realisht  të ?ngrijë? sërish. Në seancën e parë të Kuvendit të ri,  dy nga ?prurjet e reja ? të Lulit, votuan për Gramos Ruçin si kryetar i përzgjedhur nga vetë Rama, dhe kjo ishte domethënia e parë e vetmisë së madhe të tij, dhe e asaj që pritet të ndodhë në PD. Pasi ka dështuar me ?çadrën e lirisë?, pasi u ka thënë ?JO? negociatorëve, pasi ka refuzuar dhe flakur tej rradhëve të PD eksponentët e vjetër të saj, pasi ka hartuar vetë listat e deputetëve, pasi ka humbur thellë zgjdhjet, dhe pasi është rizgjedhur me një proces farsë brënda partisë tij, Luli së fundi po ndjen një tjetër humbje, kësaj here nga rradhët e ?prurjeve të reja?  të grupit parlamentar . Zërat kundër (desidentët) brënda PD dolën menjëherë  hapur dhe kundërshtuan gjithçka lidhur  me ?stradegjinë? e fitores së Lulit , apo mënyrën e zgjedhur të bërjes opozitë, por e vetmja gjë që dinte ai tu thoshte asokohe, dhe vazhdon tu thotë në distancë atyre, është përgjigja standarde ?JO?. Kjo përgjigje e ka shoqëruar Lulin në të gjitha betejat e improvizuara me Ramën, qeverinë e tij, (edhe me  ndërkombëtarët) apo edhe së fundi me ?komunistët që Rama kërkon ti emërojë si kryeparlamentarë?.  Luli  kurrë nuk do të arrijë të bëjë opozitën në sallën e Kuvendit, dhe as jashtë  tij. Mbetet  tentativë e kotë ajo e Lulit, për të manipuluar edhe me shtresat e të përndjekurve politikë, duke mbledhur rreth Parlamentit  apo në oborrin e partisë tij, disa  syresh  prej tyre. Dy prej shoqatave të ish-të përndjekurve politikë ja kanë thënë troç Lulit  ?nuk të ndjekim në rrugën tënde qorre, sepse je i pabesueshëm?. Luli akoma po vazhdon lojën e tij me PD, nga ku bashkë me servilët e tij kokëulur por intrigantë, po mundohet të manipulojë dhe mbulojë me turp, gjithçka lidhet me misionin e kësaj partie, si (ish) forcë kryesore opozitare. Rama realisht  do të njohë si opozitë parlamentare  vetëm LSI, sepse Lulin e ka AS-in nën mëngë dhe pret ta përdorë sa herë ti duhet. I zhytur në vetminë e madhe, Luli në 5-6 muajt e fundit ka humbur pothuajse gjithçka. Ai nuk ka pësuar vetëm humbjen  e thellë elektorale të PD, por ai ka humbur mbi të gjitha besimin publik, duke u kthyer në politikan që nuk mbron  vlera dhe  nuk ka parime. Luli i ka shkaktuar PD në 5-6 muajt e fundit, trauma shumë të mëdha, madje më të mëdha se ajo e largimit të mocionistëve  në 1993, apo të Xhaferrit e Pollos në 1998, duke larguar nga vetmia e tij, edhe ata që i qëndruan në krahun e djathtë  në ditë të vështira. Pyetja e vetme që  ngrihet mbetet ajo që ngre sot çdo demokrat idealist  është, se si do ta përballojë  Luli qeverisjen  e shumicës, me një parti të shkërrmoqur dhe të mbetur pa zëra  kundër brënda saj ? Ndoshta përgjigjen e di jo vetëm çdo ?prurje e re? brënda grupit parlamentar, por edhe çdo anëtar dhe militant i PD, që tashmë e ka kuptuar se kjo parti dhe lidershipi saj, janë manikina  në duart e kryeministrit Rama, dhe se ardhja e saj në pushtet mbetet një ëndërr shumë-shumë e largët me Lulin kryetar. Edhe mbledhja me urgjencë paraditen e të djelës e grupit  parlamentar, duket se nuk ka patur rezultatin e duhur, edhe pse Luli ka paralajmëruar se ?spiunin dhe të shiturin tek Rama do ta gjejmë?, duke harruar me dashje se mesnatën e 17 majit, ishte  ai që i garantoi Edit besnikëri, vazhdueshmëri, dhe vota nga prurjet e tij gjithmonë kur ti duhen gjatë 4 viteve e ardhshme të Kuvendit të ri, vetëm ai të ishte kryetar PD.

/Citynews





Lajmet e fundit nga