web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i Lulit përpiqet të hedhë pas krahëve skandalin e shitjes së votave

10 Shtator 2017, 20:06, Aktualitet CNA

Deputeti i Lulit, Agron Shehaj pasi siguroi mandatin e deputetit edhe pse pa asnjë kontribut në PD tashmë vijon të shndërrohet në qesharak me deklaratat e tij.

Skandalin e rëndë të shitjes së votave të disa deputetëve të djathtë të cilët votuan Ruçin si Kryetar Kuvendi, deputeti i Lulit përpiqet ta kamuflojë e mbrojë për vetë faktin e thjeshtë sepse mund të jetë njëri prej tyre.

Atë që mund të cilëohet si ngjarja më e rëndë në historinë e PD-së, Shehaj tenton ta hedhë pas krahëve më një status facebooku si papagall.

Pasi e sakatoi PD-në në Vlorë me emrin e tij në krye të listës tashmë Shehaj bën dhe filozofin e Nastradinin për të ardhmen e PD-së.

 

STATUSI I TIJ

PD NË SHËNJESTËR!

Mundësia që dy deputetë të PD-së kanë votuar në favor të ish-ministrit të diktaturës është shumë e rëndë. Im gjysh ka vdekur në burgjet e diktaturës dhe unë jam i pari që jam i indinjuar për atë çfarë ndodhi, por këte indinjatë nuk duhet ta shndërrojmë në histerizëm.

Pa patur ndërmend të justifikoj ata 2 të pabesë, mendoj se vota e tyre nuk ka qenë pro Ruçit ( i cili i kishte votat për t’u zgjedhur) por ka qenë kundër grupit të PD-së dhe PD-së në përgjithësi.

Kështu që të dashur miq mos të bëjmë lojën e kundërshtarëve të vërtetë të PD-së, të brendshëm (shumë pak) dhe të jashtëm (të shumtë në numër dhe të vendosur për të na përcarë dhe për të na dobësuar.)

Strategjia e atyre që nuk duan ndryshimin është e qartë: ata nuk kanë asnjë shpresë të mbajnë pushtetin duke rritur mirëqenien, e vetmja mundësi që kanë është të dobësojnë opozitën.

/Citynews





Lajmet e fundit nga