E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Sita e vetingut/ Kush është prokurori i Shkodrës që do të testojë reformën

6 Shtator 2017, 17:01, Aktualitet CNA

68 prokuroret dhe gjyqtarët e parë që kalojnë në sitën e Vettingut, janë edhe të parët që do të testojnë reformën e re që po merr jetë në vendin tonë. Mes tyre është edhe emri i prokurorit të prokurorisë së Shkodres, 48 vjeçari nga Tropoja Arben Dollapaj.

Ai është i njohur në botën mediatike por edhe rrethin e sistemit të drejtësisë për përplasjen e fortë që pati me prokurorin e përgjithshëm Adriatik Llalla. Gjithçka erdhi pas transferimit të tij në Apelin e Shkodres dhe prej 2015-es nuk ka ndalur sulmet ndaj Llalles. Arben Dollapaj, i cili është anëtar i Këshillit të Prokurorisë, i ka kundërshtuar hapur në disa mbledhje emërimet apo transferimet e prokurorëve, të kryera nga Llalla, me argumentin se kanë qenë sipas interesave personale të kryeprokurorit Llalla, pa u bazuar në ligj.

Goditja e parë për prokurorin Dollapaj ndodhi në mars 2016, kur drejtoria gjyqësore që ai drejtonte u shkri papritur me urdhër të kryeprokurorit Llalla. Sipas tij, gjatë kësaj periudhe nga prokurori i Përgjithshëm është paraqitur në grup dhënia e mendimit për transferimin e prokurorëve në një rast për rreth 30 prokurorë dhe në dy raste të tjera për rreth 21 prokurorë. Kjo praktikë është bërë në shkelje të parashikimeve të ligjit dhe me qëllimin e vetëm për të minimizuar rolin e Këshillit të Prokurorisë dhe për bërë zgjidhje preferenciale duke i dhënë një koperturë formale, shkruan “Shkodra News”.

?Momenti i fundit ka qenë një bisedë (informale) e zhvilluar në datat 9¬13 mars 2016, ku pas kërkesës së tij, i kam dhënë mendimin tim për dorëheqjen e imponuar të paraqitur njëherësh në datën 8 mars, të 4 drejtuesve të prokurorive të shkallës së parë Dibër, Lezhë, Përmet, Tropojë?, ka thënë Dollapaj.

Por kush është Dollapaj: Arben Dollapaj, i lindur në Tropojë në datë, 17.12.1969, dhe banues në Tiranë, ka mbaruar Fakultetin Juridik, në Universitetin e Tiranës në vitin 1993. Eshte diplomuar Magjistër ne Universitetin e Prishtinës, në vitin 2010, dhe me pas ka ndjekur Doktoraturën në Universitetin e Tiranës. Ka mbi 20 vjet në detyrën e prokurorit, dhe drejtues i disa prokurorive të rretheve në vite. Që nga viti 2008, ka kryer detyrën e Drejtorit në Drejtorinë e Inspektimit dhe Burimeve Njerëzore.