web counter
LEXO PA REKLAMA!

SHKARKO APP

App Store
Google Play

E fundit!

x

Ruçi në krye të Parlamentit/Këtë vlerësim të ish-ministrit të Metës nuk e priste askush!

6 Shtator 2017, 21:52, Aktualitet CNA

Ish-ministri i Drejtësisë dhe avokati Ylli Manjani është pro Gramoz Ruçit në krye të Parlamentit. Duke iu referuar PD, e cila është kundër kësaj zgjedhje, në studion e lajmeve të Ora News, Manjani tha se nuk mund të ngrihet një kauzë kundër një personi.

Manjani e konsideroi Ruçin si një punëtor politik ekselent dhe nuk ka asnjë arsye që pse ai të mos jetë kryetari i parlamentit të Shqipërisë.

Ylli Manjani: Çdo parti është legjitime të ngrejë kauzën që do. Pyetja është që: A mund të ngresh kauzë politike për një person? Kjo është një temë interesante dhe në 27 vjet ka treguar që është e dështuar. Nuk mund ta sulmosh një person, sepse ai nuk varet nga ty. Zgjedhja apo moszgjedhja e Gramoz Ruçit në krye të Parlamentit nuk varet nga PD. Sa më takon mua si individ unë e njoh Gramoz Ruçin si një punëtor politik ekselent. Nuk di ti ketë rënë njeriu në qafë, as në atë kohë me cfarë kemi dëgjuar, në këtë kohë jo e jo. Ka punuar në partinë e tij, nuk i ka bërë kujt dëm, ka një autoritet në PS, është ende autoritet në PS dhe për ketë meriton respekt. Nuk ka asnjë arsye që pse Gramoz Ruçi të mos jetë kryetari i parlamentit të Shqipërisë, i cili dominohet nga PS.

Qeverinë Rama 2, Manjani e shikon me dyshim, duke thënë se nuk ka premtuar asgjë.

Manjani: Në ketë vit ne kemi për herë të parë një qeveri që do qeveriset nga një parti e vetme. Kjo është dicka që mbetet për tu parë. Ka shumë dyshime në komentin politik, por jo vetëm, krijon edhe shqetësime ndonjëherë kjo gjë, sidoqoftë kjo është ajo që do mbetet për tu parë. E dyta që pritet është që kemi një qeveri që praktikisht nuk ka premtuar për të bërë asgjë.





Lajmet e fundit nga