web counter
LEXO PA REKLAMA!

SHKARKO APP

E fundit!

x

Alket Rizai bëhet bamirës/ Dhuron fonde për vogëlushen greke të sëmurë me kancer

5 Shtator 2017, 06:48, Aktualitet CNA

Ai është përfolur ndër vite si një nga shqiptarët më të rrezikshëm në Greqi. Por në këtë rast emri i Alket Rizait është përmendur nga mediat greke për një gjest bamirësie të veçantë.

Rizari ka dhuruar fonde për vogëlushen greke Evangjelia Kastrinaki e cila është diagnostikuar me kancer dhe për t?u kuruar nevojiteshin shuma të mëdha parash për ta çuar për mjekim më të specializuar në një klinikë të Londrës.

Historia e 8-vjeçares nga Kreta mallëngjeu gjithë Greqinë, e në këtë rast edhe vetë Rizain i cili sipas mediave greke ka zhvilluar vetë fushatën brenda burgut të Dhomokosë ku kryen dënimin, për të mbledhur një shumë të konsiderueshme parash.

Pasi ia ka dalë mbanë ai ka telefonuar babain e vajzës për t?i bërë me dije lajmin.

Për të bërë të mundur që këto para të shkonin në destinacion nga burgu Rizai ka kërkuar edhe një urdhër ministri që do të bënte të mundur që këto para të shkonin në llogarinë bankare për vajzën e sëmurë.

Avokati i tij, Sakis Kehajoglou ka cituar fjalët e Rizait: Ajo që ka rëndësi është të shkojë vogëlushja dhe të bëhet mirë. Gjithë të tjerat janë pa vlerë?.

/Citynews





Lajmet e fundit nga