web counter
LEXO PA REKLAMA!

SHKARKO APP

App Store
Google Play

Masa të ashpra nga Policia e Rinasit/ U refuzohet dalja në BE 177 personave

5 Shtator 2017, 06:40, Aktualitet CNA

Policia kufitare u ka kushtuar vëmendje të veçantë të gjithë shtetasve që kanë për qëllim  largimin nga vendi për të kërkuar azil në Francë dhe në vende të tjera të BE-së.

Sipas informacioneve nga policia, gjatë muajit Gusht kanë hyrë në Shqipëri 308.497 shtetas shqiptarë e të huaj dhe kanë dalë 201.332 shtetas shqiptarë e të huaj.

Gjatë gjithë muajit Gusht ka pasur një rritje të madhe të fluksit të hyrjes për në vendin tonë, krahasuar me një vit më parë, ku numri arrin deri në 13.500 shtetas shqiptarë dhe të huaj në ditë.

Ndërsa për momentin në Rinas po punohet me 7 sportele në hyrje dhe 5 në dalje.

Policia mjofton se gjatë gjithë muajit Gusht nga shërbimet e Policisë Kufitare Rinas, janë arrestuar 9 shtetas, si dhe janë proceduar penalisht në gjendje të lirë 8 të tjerë, për veprën penale “Falsifikimi i pasaportave, letërnjoftimeve ose i vizave”.

Ndërkohë që janë kapur 8 shtetas të shpallur në kërkim, për vepra të ndryshme penale, për llogari të Drejtorive Vendore të Policisë në Qarqe.

Në drejtim të evidentimit dhe bllokimit të shtetasve që kanë për qëllim kalimin e kufirit për të kërkuar azil në një nga vendet e BE-së, gjatë kësaj periudhe u është refuzuar dalja nga Republika e Shqipërisë 177 personave.

Aktualisht janë forcuar edhe masat në drejtim të parandalimit të akteve terroriste. /CityNews

 

 





Lajmet e fundit nga