E fundit!

19:21 Kosova & Bota

"Ata tjerët të rrinë në rrugë deri në 2029"/ Rama me banorët e Zvërnecit: Sapo të jetë gati projekti do të vijë te ju, jo në Tiranë

Kryeministri Edi Rama ka theksuar në takimin me banorët e ...

Nga Agron GJEKMARKAJ/ Mbulimi i Skënderbeut, akt terrorist ndaj heroit tonë kombëtar

2 Shtator 2017, 10:37, Aktualitet CNA

I përfshirë në polemikën e hapur rreth aktit të mbulimit të përmendores së Heroit tonë kombëtar, Gjergj Kastrioti Skënderbeu, në sheshin qendror të Tiranës, me të njejtin emërtim, Agron Gjekmarkaj vjen sot me një shkrim opinion, publikuar në ?Panorama?. Titulli i tij është:?Guxuan të mbulojnë Skënderbeun me perçe? dhe ndër të tjera në të lexohet:

?Në një ditë të shenjtë, siç është kjo e Bajramit, u komnsumua një ngjarje në kufijtë e aktit terrorist ndaj Heroit tonë Kombëtar. Nuk jam në gjëndje ta ndaj e ta quaj se kush. Por organizatorët e faljes së namazit në sheshin ?Skëndërbej? mbuluan me perçe të zezë monumentin e Gjergj Kastrioti Skëndërbeut.

Një akt i denjë veç për talebanët e Afganistanit, një akt fyes i mbushur plotpërplot me urrejtje, një akt i rrezikshëm për themelet e rendit kushtetues.

Guxim sfidues, guxim barbar, guxim njollosës në jetë të jetëve. Perçembuluesit sfiduan historinë, identitetin, heroin po e po, rreth të cilit ka mbi dy dekada që gjuajnë galmuça me baltë.

Sot hija e tij i bezdiste, kujtimi i tij më shumë, lufta ndaj otomanëve shumë e më shumë, ndaj o burra ta mbulojmë. Skënderbeu është i të gjithëve.

Pa të nuk do të ekzistonte as kombi e as shteti. Te betejat e tij Rilindja Kombëtare gjeti brumin për ideologjinë kombëtare.

Meqënëse Europa e njohu menjëherë për të vetin, e në nder të tij na e dha pavarësinë, e thenë ndryshe: ai qe shtiza ku u var flamuri kombëtar me shkabën e tij.

Pa të sot s?do të kishte shqiptar, as katolik, as ortodoksë dhe as mysliman?

Dumbabizmi sot si qelb i ndyrë shpërtheu venave të Shqipërisë. Çuditërisht ai u rishfaq bashkë me lirinë përsëri, edhe më i mbrapshtë se në vitin 1991.

Nuk mungoi syshkelja nga shteti i ri demokratik, i cili është votëbesuar për thirrjen: ?E duam Shqipërinë si gjithë Europa?, por dërgatat e para i çoi në Xhadah dhe e anëtarësoi Shqipërinë në Konferencën Islamike, duke kompromentuar natyrën laike të Republikës.

Mjekrat dhe çallmat otomane nuk e mundën dot në 25 vite luftë Gjergjin e Madh. Ndonjë stërnip i tyre, që padrejtësisht e thërret veten shqiptar, e ka gjetur formën e vet të hakmarrjes?. Po shteti ku është?! Hipokrit dhe i nënshtruar, duke ua shkelur syrin për një votë më tepër klerikëve. Është gati të bëjë konçensione të frikëshme.

Pse kryetari i Bashkisë duhet të jap sheshin ?Skëndërbej? për rite fetare?Pse? Ai është simbol edhe i laicizmit edhe i bashkëjetesës fetare. Pse Veliaj nuk e pengoi aktin e turpshëm me policët e vet? Çfarë pret të ndodhë më shumë?!

Kur vjen puna për të gjobitur ndonjë grua të varfër që shet qep turen të gjithë me tërbim, ndërsa kur cënohet krenaria kombëtare as që u bën përshtypje?

Perçembuluesit sot arritën një sukses. Nëse shteti nuk reagon ata do të kenë të tjera suksese dhe shqiptarët, si dikur motit në Mesjetë, të pambrojtur do të marrin arratinë. Ata mund ti mbulojnë gratë e tyre, por jo gratë tona. Ata mund të ndërtojnë shpirt në monumentet e veta, por jo të mbulojnë monumentet tona shqirtërore. Kjo është liria, që sot u vu në diskutim. Shteti nuk e mbrojti atë?.

*Titulli është i CityNews