web counter
LEXO PA REKLAMA!

SHKARKO APP

App Store
Google Play

E fundit!

x

A do të zëvendësohen qarqet me katër rajone?/ Kryeministri Rama sqaron të vërtetën

31 Gusht 2017, 08:24, Aktualitet CNA

Pas spekulimeve se qarqet do të ndahen në katër rajone kryeministri Edi Rama ka thënë se nuk do të ketë një shkrirje të qarqeve sepse ato janë shumë të rëndësishme nga ana administrative, janë të rëndësishme edhe për nga mënyra se si i bashkojnë komunitete të afërta tradicionalisht me njëra-tjetrën.

Në intervistën për gazetën ?Panorama? ai ka thënë se duhet të bëjnë një përmbysje të madhe të sistemit të Emergjencave Civile, që lë shumë për të dëshiruar dhe një pjesë e rëndësishme e kompetencave dhe e autoritetit do t?u kalojë prefektëve të qarqeve.

Ndërsa u pyet nëse prefektët do të marrin rolin e një ministrie të vogël të brendshëm në qarqe, kryeministri u përgjigj:

?Prefektët duam t?i kemi shumë aktivë dhe shumë komplementarë me Ministrinë e Brendshme, në raport me objektivat që ka kjo Ministri, e cila nuk është thjesht ministria e Policisë, por ka edhe shumë komponentë të rëndësishëm brenda saj, dhe Emergjencat Civile është një prej tyre. Ndërkohë që Rajonet e Zhvillimit, janë rajone që do të na ndihmojnë për të pasur një sens shumë më racional lidhur me investimet publike, lidhur me investimet e huaja, me shërbimet dhe lishur me eficencën e marrdhënieve të shtetit me qytetarët.?/CityNews





Lajmet e fundit nga