web counter
LEXO PA REKLAMA!

SHKARKO APP

E fundit!

x

Partia Demokratike i bën thirrje Edi Ramës

20 Gusht 2017, 09:37, Aktualitet CNA

Partia Demokratike ka sjellë edhe një herë në vëmendje aksidentin e ndodhur një javë më parë, ku u përfshi edhe deputeti i PDIU, Aqif Rakipi.

Në një deklaratë të nisur për mediat, PD shkruan se ende nuk është marrë asnjë masë ndaj Rakipit dhe i ka bërë thirrje këtij të fundit që të heqë dorë nga mandati.

Deklarata e plotë:

U bë një javë që deputeti mik i Edi Ramës, Aqif Rakipi, ka ikur nga vendi i ngjarjes ku aksidentoi për vdekje qytetarin Seit Sorra, dhe asnjë masë nuk është marrë ndaj tij. Sipas nenit 273 të Kodit Penal, Aqif Rakipi ka kryer vepër penale me largimin nga vendi i ngjarjes, që dënohet deri në 1 vit burg.

Mirëpo prokuroria ende nuk ka hedhur asnjë hap drejt kësaj çështjeje, dhe deputeti Rakipi po shijon favoret dhe paprekshmerinë qe ia jep lidhja me Edi Ramën.

Partia Demokratike i bën thirrje deputetit të heqë dorë nga mandati dhe të shkojë para drejtësisë si qytetar i thjeshtë e të mbajë përgjegjësi para ligjit.

Partia Demokratike i bën thirrje Edi Ramës të tërheqë mbrojtjen speciale qe i jep mikut te tij, e të lejojë hetim të plotë e te pandikuar të ngjarjes. Këto jane rastet kur shihet nëse drejtësia funksionon për të gjithë njësoj, apo për miqtë e kryeministrit ka favorizime dhe paprekshmëri./CityNews





Lajmet e fundit nga