web counter
LEXO PA REKLAMA!

SHKARKO APP

App Store
Google Play

E fundit!

x

Absurdi i teknikeve të qeverisë Rama/Japin dorëheqjen por qendrojnë në detyrë

20 Gusht 2017, 08:39, Aktualitet CNA

Ndërkohë që pak ditë më parë deklaruan nënshkrimin, si edhe dorëzimin e akteve të dorëheqjes pranë zyrës së Kryeministrit në detyrë Edi Rama, përfaqësuesit e pjesës teknike të kabinetit të tij qeverisës, përfaqësues të opozitës PD, janë rikthyer në të pikën e nisjes. Domethenë janë bërë pishman dhe, nëpërmjet ish zvendëskryeministres teknike Ledina Mandia, e cila e para konfirmoi dorëheqjen, kanë deklaruar qëndrimin ende në detyrë.

Aktin absurd të qëndrimit në postet drejtuese, deri sa të emërohen anëtarët e kabinetit të ri qeverisës Mandia e ka deklaruar nëpërmjet një interviste dhenë gazetës ?Panorama?, ku ndër të tjera është shprehur edhe për këtë çështje.

?Kushtetuta kërkon që të qëndroj në detyrë deri në momentin që plotësohen të gjitha formalitetet e parashikuara në të për largim. Ministrat dhe Zvendëskryeministri kanë përgjegjësi në lidhje me funksionet dhe detyrat që ata ushtrojnë dhe nuk mund të braktisin zyrat apo detyrat. Do të qendrojmë në detyrë deri kur të plotësohen kërkesat procedural, sipas Kushtetutës. Kjo do të thotë se duhet të bëhet propozimi nga Kryeministri, të dekretohet dhe më pas të votohet në Parlament?, ka qenë përgjigja e Zvendëskryeministres.

Një përgjigje që referuar përcaktimeve kushtetuese është korrekte, mirëpo nuk e justifikon aktin e dhënies së dorëheqjes, që gjithashtu del të jetë antikushtetues përderisa Kryeministri nuk i ka respektuar procedurat. Pasi kështu siç është vepruar deri më tani, përveçse absurde praktika e teknikëve e kthen në një lojë qesharake gjithësa ata kanë vepruar

./ CityNews





Lajmet e fundit nga