web counter
LEXO PA REKLAMA!

SHKARKO APP

App Store
Google Play

Mesazhi i ndjerë i ish-kryeministrit Berisha për Ylli Popën/Kollos i vërtetë i mjekësisë!

16 Gusht 2017, 14:59, Aktualitet CNA

Ish-kryeministri Sali Berisha ka reaguar për ndarjen nga jeta të akademikut të njohur, Ylli Popa.

Përmes një mesazhi prekës në rrjetet sociale, Berisha shkruan se sot u nda nga jeta një nga themeluesit më kryesor dhe drejtuesi për dekada i Kardiologjisë, si dhe president i Akademisë së Shkencave të Shqipërisë.

Më tej, ish-kryeministri shpreh ngushëllime për familjarët, ndërsa i lutet Zotit që shpirti i tij i mirë të gjejë paqen e merituar.

Mesazhi i plotë:

Prof. Dr. Ylli Popa mbylli syte pergjithmone!
Te dashur miq, sot u nda nga jeta njeri nga themeluesit me kryesor dhe drejtuesi per dekada i Kardiologjise si dhe president i Akademise se Shkencave te Shqiperise pas reformimit te saj, akademiku Prof. Dr. Ylli Popa.
Autor i studimeve te shumta, artikujve shkencor, teksteve universitare, klinicist i klasit te pare, drejtues klinike dhe katedre, Prof. Ylli Popa ishte nje kollos i vertet i mjekesise shqiptare. Si intelektual, ai u angazhua me qendrimet dhe shkrimet e tij ne hapjen e vendit dhe kunder izolimit por edhe ne levizjen demokratike.
Ai ishte nje nder themeluesit e Komitetit te Helsinkit te krijuar nga nje grup intelektualesh te shquar qe ne javet e para te revolucionit demokratik te vitit 1990.
Duke shprehur nderimin tim te madh per profesor. dr. Ylli Popen dhe ngushellimet e mia me te sinqerta per familjaret e tij, une i lutem Zotit qe shpirti i tij i mire te gjeje paqen e merituar! sb/CityNews





Lajmet e fundit nga