E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Merret peng Gjiri i Gjipesë/Abuzuesit shkaktojnë katastrofë mjedisore

16 Gusht 2017, 14:00, Aktualitet CNA

Gjiri i Gjipesë është një nga gjiret më të bukura të Rivierës dhe dallohet për rërën e imët dhe të pastër. Në këtë gjirë arrihet përmes detit dhe rrugës së ndërtuar vonë përmes Shën Theodhorit.

Kjo bukuri shqiptare ndodhet në mes të fshatrave Vuno dhe Ilias dhe ka gjatësi 4 km dhe lartësi maksimale 70m. Kanioni fillon në ujëvarën Petasma, 75m e lartë dhe përfundon në Gjirin dhe plazhin e mrekullueshëm të Gjipesë.

Por çfarë ndodh në këtë perlë të bregdetit shqiptar?!

Gjiri i Gjipesë është uzurpuar nga disa persona privatë, të cilët e kanë kthyer këtë plazh në pronë të tyren. Burime i thanë CityNeës se nëse shkon të bësh plazh në këtë zonë, disa persona të vijnë menjëherë dhe të kërkojnë lekë.

Pra, Gjipeja është privatizuar dhe tashmë na paskan dalë dhe pronarë. Edhe sikur ky person ta ketë marrë me kontratë të rregullt, minimalisht aty duhej një tabelë dhe një kasë fiskale. Aty ka disa njerëz që të marrin lekë pa dhënë asnjë faturë, pa paguar asnjë taksë, duke uzurpuar në mënyrë të padrejtë një nga perlat e bregdetit shqiptar. Po kështu, iu merret një taksë e caktuar edhe turistëve të huaj.

Gjithashtu, në këtë gjirë të natyrës së bukur shqiptare po kryhet dhe një akt tjetër kriminal.
Në rrugën drejt Gjipesë ka dhe një rrugë tjetër, që shkon nga gjiri i Gjipesë drejt Jalës, që është 7 km. Këtë rrugë turistët e bëjnë shpesh në këmbë për të parë bukuritë natyrore. Por, çfarë ndodh? Sapo fillon të ecësh në këmbë përballesh më një gropë të madhe plehrash. Të gjitha plehrat derdhen aty, shumë pranë plazhit, ku kundërmon një erë mbytëse.

Pra, një nga perlat e Shqipërisë uzurpohet, trajtohet si pronë private, edhe pse ka në fakt një ligj, sipas të cilit askush nuk mund të jetë pronar i bregut të detit. Brigjet detare, lumenjtë, digat, janë pronë e shtetit.

Por siç duket, në vendin tonë asgjë nuk merret parasysh dhe ligjet ekzistojnë vetëm të shkruara në letër. Një pronar shkon dhe uzurpon apo e merr me kontratë, kjo ka pak rëndësi, një ndër pjesët më të bukura të vendit, duke thënë krejt papritur që ?është tokë e xanun?. Nëse e ka me kontratë, të paktën duhet të ketë një tabelë, duhet të ketë një kasë fiskale t?iu japë faturë turistëve, duhet të paguajë taksa, ashtu siç paguajnë çdo ditë edhe qytetarët e thjeshtë.

Një ndër gjiret më të bukura, që shumë vende do të ëndërronin ta kishin, ne na e ka falur natyra dhe shteti lejon turpësisht të shndërrohet në katastrofë.

Katastrofa mjedisore që po ndodh në Gjrin e Gjipesë me plehrat është skandaloze. Personi që e shfrytëzon minimalisht duhet të kujdesest për plehrat, sepse ato hidhen një minutë larg plazhit hidhen plehrat, duke ?mbytur? këtë bukuri të virgjër, kur në fakt duhet të çohen në vendin e tyre.

Uzurpimi i bregdetit, mungesa e kasës fiskale, si dhe shkatërrimi e ndotja e mjedisit janë tre faktorë kyç, që institucionet përgjegjëse duhet t?i dinë. Në fakt, nga Dhërmiu, ku Edi Rama po pushon, nuk e ka larg dhe ndoshta do t?i duhet të shkojë e të që të shohë katastrofën që po ndodh në Gjipe me “turizmin elitar” të qeverisë./CityNews