Një tjetër aleat del publikisht kundër Bashës/Po i bën dëm të madh opozitës

13 Gusht 2017, 16:42, Aktualitet CNA

Kreu i Lëvizjes për Zhvillim Kombëtar, deputet nga listat e PD-së, Dashamir Shehi, ka reaguar në lidhje me mostërheqjen e ministrave teknikë nga qeveria e Edi Ramës.

Në një intervistë për gazetën ?Shekulli?, aleati i Lulzim Bashës kritikon këtë të fundit, teksa thotë se duhet t?i tërheqë ministrat pasi tani nuk ka më kuptim që ata të rrinë.

Ndërkohë, vetëm pak ditë më parë një replikë e ashpër u zhvillua në PD për mostërheqjen e ministrave teknikë, ku ishte aleati tjetër i Bashës, kreu i Partisë Republikane, Fatmir Mediu, i cili tha se ata duhet të tërhiqeshin nga qeveria.

I menjëhershëm ishte reagimi i aleatit tjetër të Bashës, Nard Ndoka, që doli në krah të kreut të PD, duke justifikuar qëndrimin e ministrave deri në shtator.

?Ne kemi bërë çfarë kemi mundur, i kemi qartësuar pozicionet tona. Unë kam kohë që i kam thënë, zoti Basha duhet t?i tërheq se tani nuk ka më kuptim që ata të rrinë. Zgjedhjet mbaruan, ndonjë hata e madhe nuk u bë me ata, ata nuk kanë ndonjë funksion tjetër. Ndaj gjykoj që ka ardhur dita që opozita të ketë duart e lira për të bërë opozitën reale, frontale. Nga kjo pikëpamje mendoj se ministrat teknikë ka kohë që duhet të kishin ikur, që të nesërmen e zgjedhjeve. Unë nuk jam dakord që ministrat teknikë të rrinë, këtë pozicion kam mbajtur dhe e kam bërë zyrtar. Kjo i bën një dëm të madh opozitës, sepse përditë muhabetet bëhen për ministri. Ne na ngatërrojnë kot në një qeveri që ka qëndruar katër vjet aty.Nuk mund të merrmi me muhabetet e këtyre, nuk na leverdisë fare kjo punë. Edhe zoti Basha kështu gjykonte. Një muaj përpara na tha që do të përgatisin një raport dhe do të ikin. Kanë kaluar tre të hëna që nga ai takim deri më sot dhe mesa duket këto ministri do ti mbajnë deri në shtator. Unë nuk jam dakord, nuk më pëlqen. Nuk është ky halli më i madh që kemi si komb,kemi shumë të tjetra, por megjithatë kjo nuk është më një punë që i takon opozitës. Nëse ne jemi opozitë nuk kemi nevojë as për ministra, se u bëmë për tu qeshur, ne po bëjmë në një farë mënyre estradën e Edi Ramës. Ai nuk do t?ia di, ai nuk qeverisë më me qeveri por me popullin!Kështu që pse duhen këta ministra, çfarë bëjnë këto?! Kurrë gjë! Më e mira është që ata të ikin, ne ti kemi duart e lira dhe të vazhdojmë punën tonë opozitare, siç pretendojmë për të bërë. Unë gjykoj që nuk duhet të kemi ministra teknikë më, që të mesmen e zgjedhjeve, ky ka qenë- mendimi im dhe e kam thënë publikisht. Ata po të duan le ti mbajnë por mbajtja e ministrave nuk i vlen opozitës, i bën dëm?, tha Shehi./CityNews