web counter
LEXO PA REKLAMA!

SHKARKO APP

App Store
Google Play

E fundit!

x

Ndalohen disa zyrtarë të lartë në Korçë/Për çfarë akuzohen

12 Gusht 2017, 12:10, Aktualitet CNA

Policia e Korçës vijon punën për të evidentuar dhe goditur rastet flagrante të prerjes së paligjshme të pyjeve. Në kuadër të aksionit janë ndaluar dy shtetas dhe po procedohen në gjendje të lirë, ndërsa dy të tjerë po hetohen për veprat penale: “Shpërdorimi i detyrës” dhe “Prerja e paligjshme e pyjeve”.

Uniformat blu bëjnë me dija se janë ndaluar specialisti i pyjeve dhe një punëtor i Agjensisë të Shëbimit Pyjor Ersekë.Gjithashtu, po procedohen penalisht në gjendje të lirë përgjegjësi i Sektorit Pyjor, si edhe administratori i një firme private.

Mësohet se kanë rënë në pranga shtetasit:

Fatjon Kasko, 34 vjeç, banues në Starje-Ersekë (me detyrë inxhinier/specialist pyjesh në agjensinë e Shëbimit Pyjor Ersekë) dhe
Qazim Cacani, 49 vjeç, banues në Taç-Ersekë.
Ndalimi i tyre u bë pasi shtetasi Fatjon Kasko, dyshohet se ka shpërdoruar detyrën duke lëshuar një leje shfrytëzimi, në mënyrë të kundërligjshme për prerjen e 20 drurëve (pishë), në kurorën e qytetit të Ersekës dhe shtetasi Qazim Cacani (punëtor) ka prerë në vazhdim 85 drurë, duke dëmtuar kurorën me pisha të mbjella në një largësi prej 1 km nga qyteti i Ersekës.
Gjithashtu, po nga specialistët e kësaj strukture filloi procedimi penal në gjendje të lirë në ngarkim të shtetasit:
E.Ç, 31 vjeç, banues në Ersekë, (me detyrë Përgjegjës i Sektorit Pyjor Ersekë) dhe
E.G, 50 vjeç, banues në Ersekë, (administrator i një firme private).
Procedimi ndaj tyre filloi pasi shtetasi E.Ç, dyshohet se nuk ka ushtruar kontroll ndaj subjektit privat të shtetasit E.G, e cila ka abuzuar me lejen e dhënë duke prerë një sasi lënde drusore të llojit ah në afërsi të fshatit Orgockë-Ersekë, duke shkelur ligjin për ?Shpalljen e Moratoriumit të pyjeve?.
Gjatë kontrollit të këtij subjekti, një punonjës i tij, rezultoi i punësuar në mënyrë të paligjshme, i pasiguruar.
Materialet në ngarkim të tyre i kaluan Prokurorisë të Rrethit Gjyqësor Korçë për veprat penale : “Shpërdorimi i detyrës”, “Prerja e paligjshme e pyjeve” dhe “Punësimi i paligjshëm” parashikuar nga nenet 248, 205 e 170/a të Kodit Penal./CityNews





Lajmet e fundit nga