web counter
LEXO PA REKLAMA!

SHKARKO APP

App Store
Google Play

Dyshime për pastrim parash/ Prokuroria urdhëron sekuestrimin e dollarëve të ardhur nga SHBA

11 Gusht 2017, 09:17, Aktualitet CNA

Një shumë e konsiderueshme dollarësh është urdhëruar të sekuestrohet, ndërsa ndodhet e depozituar si prurje nga Shtetet e Bashkuara të Amerikës, në llogarinë bankare të një shtetasi.

Raportimi vjen nga ?Panorama?, sipas të cilës bëhet fjalë për shumën 531 mijë dollar të ndodhur në llogarinë bankare të shtetasit shqiptar A.A., me banim në Vlorë, pronar i një rrjeti restorantesh në qytetin bregdetar por edhe në Tiranë.

Sipas Prokurorisë masa e ?sekuestros preventive? mbi shumën e llogarisë është vendosur pasi dyshohet se kemi të bëjmë me veprimtari të pastrimit të parave midis shtetasit shqiptar dhe një amerikani. Si i përfshirë në këtë veprimtari del të jetë edhe një shtetas shqiptar tjetër me banim në Durrës.

Vendimi i Prokurorisë ka ardhur pas hetimeve të nisura ditë më parë dhe ngritjes së dyshimeve të arsyeshme lidhur me prezencën e aktivitetit kriminal. Prokuroria ka bërë me dije se në 08 gusht 2017, pranë prokurorisë së Vlorës është regjistruar materiali i referimit të veprës penale lidhur me kryerjen e transaksioneve të dyshimta  bankare në shuma të mëdha, midis shtetasit shqiptar A.A. banues në Vlorë dhe shtetasit amerikan M.T., banues në Detroit Michigan SHBA, si edhe shtetasit tjetër shqiptar Y.D., banues në Durrës. Ka qenë Drejtoria e Përgjithëshme e Parandalimit dhe Pastrimit të Parave institucioni që ka urdhëruar bllokimin e shumës në llogarinë bankare deri sat ë kryhet verifikimi i origjinës. /  CityNews





08:11 Aktualitet

'Xhokeri' i PAN-it

Bindja e Behgjet Pacollit për t’u larguar nga koalicioni me ...

Lajmet e fundit nga